لجأت لهذه التصرفات السيئة بسبب ضغط أهلي

السلام عليكم ،، مشكلتي اعاني من اكتئاب وله اسباب كثيره منها زواج ٢ من خواتي اللي اصغر مني وتصرف اهلي واخواني معي يعني خدمتي لهم يعني طبخ وغسيل وكوي وكنس وترتيب وفوق هذا الدراسه انا اللي اذاكر لهم ومعتمدين علي في دراستهم اعتماد كبير اخوي تعبت معاه تعب مايعلم فيه الا ربي من اولى ابتدائي والآن في الجامعه يعني تخيل كم سنه وانا اكرف شغل في البيت ومذاكره والحين فيه اخواني الصغار ثالث ابتدائي واختي اولى متوسط وكمان اختي الصغيره هالسنه اولى ابتدائي يعني مافيه فكه من هالمذاكرات وشغل البيت وكمان تصرفاتهم جيبي هاتي روحي خذي حسسوني اني شغاله عندهم يعني انا الكبيره في البيت وخواتي متزوجات وحده اكبر مني وثنتين اصغر مني كلهن تزوجن وباقي انا في البيت وخواتي الصغار والمشكله هذولا اخواني اصغر مني والحين بالجامعه ولا احترام ولاشي وفيه اشياء احتاجها واستحي اطلب منهم وخلال هالسنوات من كثر الضغوطات النفسيه اللي واجهتني اتجهت لأشياء محرمه غصباً عني مو على كيفي مثل مراسلة شباب ومكالمتهم والتعرف عليهم وكل ما طفشت من نفسي ومن حياتي ومن اهلي رجعت للمكالمات والتعارف والمراسله اعتقاداً مني اني اخفف ع نفسي من اللي انا فيه وهو خطأ وبالعكس انا قاعده ازيد ع نفسي الهموم بهالأشياء المهم انا الآن حاولت اشغل نفسي بالقرآن والاستغفار لكن اهلي لازالوا مطفشيني ورافعين ضغطي بطلباتهم وتصرفاتهم وكمان اعاني من السُمنه وزيادة الوزن بسبب القلق اللي انا اعيشه وطلع عندي كسل بالغده وكرهت نفسي زياده لأني اسوي رجيم وانحف ومجرد ما اوقف ارجع ازيد ومع القلق والضيق لازم اتجه للأكل وهذي مشكلتي باختصار ساعدوني وادعوا لي