حاولت الانتحار وتراجعت في آخر لحظة ساعدوني في علاج نفسي

السلام عليكم اتمنى من كل شخص يساعدني او يقدم لي نصيحة عشان اتخطى هالمرحلة اول خطوة عملتها هو اني مقتنعة بأن اعالج نفسي ورح اتحمل كل شي بس عشان اني اتخلص من هالمرحلة.... بإختصار انا قبل سنتين تقريبا للأسف حاولت انتحر عن طريق الغرق لكن بآخر لحظة تماسكت نفسي لأن لو تأخرت لثواني وقتها رح اخسر دنيتي وآخرتي واعرف انو لو مت وقتها رح اترك جرح عميق لهم ويحسوا انهم مقصرين ويعيشوا حياتهم وبداخلهم تساؤلات كثيرة.... صدقوني انا اول ما حاولت انتحر وتراجعت جاتني حالة بكاء غير طبيعية وكل ما اشوف نفسي بالمرايا اخاف من نفسي لأن ما صرت اعرفها بعدها بفتره صليت صلاة التوبة اذكر لما اول مره استشعرت آية ارددها دايما لكن عمري ما حسيت فيها الا لما مريت بحالة الضياع هادي كنت اصلي وقلت (اهدنا الصراط المستقيم) وقتها بكيت واحساسي بالذنب بيكبر دعيت من قلبي اني ما أكرر هالغلطة مرة ثانية وتمنيت انو ربي يهديني ويسامحني اني كنت رح اقتل نفسي.... بصراحه انا ما اعرف ايش السبب بالظبط اللي خلاني اسوي كذا حاسة كأني فقدت الذاكرة بهالثواني كأني بتجاهل الموضوع بس اللي اذكره اني قبل ما حاولت اني انتحر كنت انطوائية جدا لين وصلت هالمرحلة واللي مخوفني اكثر لما حاولت اعرف اذا انا فعلا حاولت ولا مجرد هروب من الواقع فقط لكن بعد بعدها بفتره اذكر انا وأهلي رحنا البحر وانا كنت اعشق البحر بس لما رحت وحاولت ادخل جوا الموية جاتني حالة خوف لان تذكرت هذيك اللحظه لما حاولت اموت وقتها تأكدت تماما انو لازم اعالج نفسي قبل لا يتأخر الوقت واكررها مرة ثانية... ارجوكم ساعدوني واعتذر على الإطالة