صورة علم Saudi Arabia
من مجهول
منذ سنتان 9 إجابات
2 0 0 2

تعبت وأن أنتظر ردها على تقدمي لها

السلام عليكم ورحمة الله وبركاته الموضوع وما فيه يا اخوان اني متوتر جدا واعصابي على نار لاني تقدمت لخطبة البنت اللي احبها واعشقها مرتين وبكلها اهلها قالولي انكم لسه صغار وما عندنا نيه نزوجها ذحين والحمد لله تقدمتلها مره ثالثه قبل اسبوعين واهلها وافقو علي وفرحو لانهم يعرفوني انا واهلي زين ولما سالو البنت قالت انها ما تشوف في شي مو كويس عشان ترفضني لاكنها ما تبغى تتسرع باتخاذ قرار مصيري كالزواج وبتفكر على مهلها. رجعنا كلمناهم وقلناهم انكم طولتم علينا ومعاكم مهلة يوم تعطونا الرد النهائي . رجعو ردو علينا وقالو ان بنتنا فيها خجل مو طبيعي وكل ما نفتح الموضوع معاها تستحي وما تعطينا رد نهائي وتقولنا دام الجماعه مو مستعجلين عالزواج باخذ وقتي بالتفكير والاستخاره وقلنالها الولد فيه شي مو مريحك فيه تقول لاوالله والنعم فيه بس باخذ وقتي بالتفكير وان شاء الله خير . ولهم ذحين اربع ايام مسافرين ولا ندري عنهم ومستنين ردهم . انا نفسي اعرف هل اللي يسونه شي طبيعي ولا فيه حاجه غلط . يعني حنا اعطيناهم مهله يا يوافقون يا يرفضون وهم للان ما رفضوا . ومستنين ردهم انا بصراحه احترت واعصابي على ناااااار لان البنت ذي حلمي وعشقتها من 6 سنين ومستحيل اتزوج غيرها حتى لو قدر الله ورفضت حرجع مره رابعه وخامسه وعاشره . لايش تنصحوني اسوي في الوقت الحالي لان اهلها ما وافقو اول مرتين عشاني طالب جامعي ولما جيت بالمره الثالثه وانا متخرج فرحو كثير عشاني اجتهدت ورجعت لها مره ثالثه يعني الاهل مبسسوطين في لاكن البنت الا الان تستخير فما ادري استنى والا اكلمها عالخاص بصراحه محتااار ايش اسوي انصحوني