تدخل أهلي في حياتي وهم السبب في طلاقي

السلام عليكم بتمنى الجميع يكون بخير وربي يسعدكم ويرضى عنكم وينولكم اللي ببالكم .. مشكلتي صعبة شوي ومؤلمة ومحزنة ومو عارفة افكر فيها وأنا كل ما يصير معي مشكلة عجزت فيها باجي عندكم لأنه كلماتكم بتخفف عني أكثر من أي حد قريب إلي.. أنا مطلقة عمري 25 ما عندي ولاد طليقي نفس عمري تزوجنا أنا وياه لمدة سنة شافني بمكان وعجبته ووصل لأهلي وتزوجنا.. أهلي كانوا بالبداية عادي مبسوطين وما في مشاكل تزوجنا وعشنا أيام بتجنن ويهتم في وبراحتي ويحبني ويدللني وما ينقص علي اشي واطلع وانزل واشتغل.. بعد بوقت صار سوء تفاهم بين زوجي وأهلي وما انحل بس أنا ضليت اروح عندهم وكل اشي تمام وبطريقة ما صاروا يتدخلوا الناس وأمي بس يتدخلو بطريقة سلبية ويحرضوني عليه.. بدت المشاكل وصرت انكد عحالي وعليه وأنا والله بموت فيه بس شخصيتي فيها جزئية غلط انه أهلي وامي اكيد همي الصح بعدين كبرت المشاكل كبرت كثير ووصلت فيي اسب وأصرخ وارفع صوتي والله بدون وعي مرة من المرات زوجي ضربني وقال ما بدي اياكي روحي عبيت اهلك ورن ع أهلي ييجوا ما رضي اطلع لحالي وجاب أخوه مشان يقعدوا مع أهلي..اجا أخوه قبل اهلي طبعا ابوي رفض يجي إجا اخواني وعمي المهم اخوه قعد معه قبل ما ييجوا وزوجي قالله انا بدي إياها بس بدي اهلها يحكوا معها مشان الصراخ وأسلوبها اجوا أهلي ابوي رن عليهم أنه ما تخلوها ولا دقيقة وجيبوها رحت معهم وأنا مقتنعة أنه ما بدي إياه لأنه كنت متضايقة كثير منه.. مر اسبوع..اسبوعين وابوي كان بجهز بمعاملة الطلاق! طبعا صارت مشاكل عالملابس أنه كيف بدي اوخدهن زوجي جمعهن وقال لاخوي فوت خدهن اخوي ما قبل قاله انت طلعهن وزوجي ما قبل ثاني يوم جبناله الشرطة عالبيت مشان اوخد اغراضي وطلعت عالمخفر أن وامي وهو كان هناك مشان الاجراءات وصار مشكلة صغيرة بيننا.. المهم أبوي كان معاه الوكالة وطلع طلقني كان ماخد عكلامي وخلص وما راجعني بالموضوع..بعد الطلاق بيوم واحد بس رجع طليقي يعتذر وبده اياني وما راح يتركني وأهله رافضين تماما مشان جبتله الشرطة وأهلي رافضين إلنا عهالحال خمس شهور والله بموت ميت موتة بالدقيقة هو ما بقدريخسر أهله مشاني لأنهم سكروها بوجهه وأبوه قالله سابع المستحيلات تراجعها! وأنا كمان نفس الاشي أهلي شايلين الموضوع من راسهم شو الحل لموضوعنا تعبنا وإحنا هيك وما بنعرف راح يشفقوا علينا أو لأ أهله وأهلي مستحيل يرجعونا واحنا مستحيل نتزوج غير بعض وهو أهله حاولو يزوجوه وما قبل وسكر الموضوع هاد ممكن الزمن والوقت يحل الموضوع ولا راح نضل عايشين نتحسر ونتألم هيك! ارجوكم اي حل وفكرة غير أنه نفترق روحي معه وروحه معي صعب نترك أنا جيتكم تساعدوني بحل هل الصبر والتمسك مفيد وممكن يجيب نتيجة خبرتكم الله يفتحها عليكم