خائفة أن يجبرني على التخلي عن طموحي كما تخليت عن حقوقي (2)

السلام عليكم... انا سألت سؤال من قبل ولكن كان في نواقص في قصتي، وحابب اطرحها كاملة لأكون منصفة للسرد الواقع... انا عمري ٢٣ سنة وخطيبي عمره ٣٠ سنة وهوي متزوج وشبه مطلق وعنده طفلين، ولساتني طالبة جامعية ومخلصة دبلوم إعلام. بتبلشت القصة لما اشتغلت عنده بالاستديو وبالتصوير، وكنت بنت طموحة جدا وعندي شغف بالعلم وما زلت بعشق العلم والتعليم وبحس نفسي ما بقدر اعيش بدونهم.... ، من اول ٣ شهور امه واهله كلهم وهوي كمان صاروا يشكولي عن مرته السابقة وعن تصرفاتها، وانا بلشت أميل إله لأني شفته عنده شعور اللي، وشعرت انه بقدر المرأة وانه بشجع التعليم وانه دائما بتعامل معي وبهتم فيني اكتر من البنات من حيث انه بخرجني تصوير اكتر منهم وبيثني على شخصيتي واني متدينة. مرت الايام واهله بشكولي بشكل متكرر عن مرته وعن عمايلها، ومرته حردت عند دار أهلها واتقدملي، واستخرت ووافقت ومن يوم ما وافقت لحد الآن وانا عايشة تعب وكابوووس حقيقي، كونه متزوج ولسا مو مطلق ومن نظرة الناس اللي بعدين اكتشفتها، ولانه والدته ما قبلت تعملي جاهة ولا خطبة ومضت خطبتنا كأنه واحد ميت، طبعا أنا والدي ضرير وإمي انسانة طيبة زيادة عن اللزوم وأقاربي مو مهتمين كتير فينا لأنه وضعنا المادي مو منيح، وإمه مستغلي هالوضع، وعاملتلي مشاكل وكابوسس وبتغار مني لدرجة انه خطيبي ممنوع يجي علي وازا عرفت انه اجا بتصير طوشة وازا اجت هي بتعمل طوشة واكتر من مرة هانت اهلي في نص بيتنا، وخطيبي ايهاب بضله مشغول بالشكات والتصوير وحياته العملية، ومو قاد ة اعيش معه لحظة كخاطبة، وازا صار وعشتها بتكون على زوقه هوي، وبالسر بدون ما تعرف إمه، وقصيرة جدا. انا تعبت وحاسس حالي محطمة مو قادرة أعرف نفسي حسيت اني نسيت كيف بضحك وكيف انبسط وانسيت شخصيتي ومبادئي ومو شاعرة بالحظة من كتر همومي والمسؤوليات المادية والمعنوية والأسرية والدراسية اللي عندي بالبيت ومشاكلي بالشغل والخطوبة ومشكلة إمه مو لاقية حد يشيل عني وانا ينت صغيرة متحملة أثقال من المسؤوليات وفوووق هاد كله مو لاقية وقت لنفسي، مو قادرة ارتب أهدافي ولا اولوياتي، انسانة سلبية منفعلة على طول ما بتشوف اي شيء ايجابي بالمرة، إمه عالطالعة والنازلة مشاكل وبشعر انها مريضة نفسيا وبضل خايفة منها، وأنا استشرت كتير ناس ودكاترة شريعة حكولي انفصلي او اضمني حقك. ولما اتناقش مع ايهاب بحكيلي انه بعد الزواج كل شيء بيتغير وانه نحنا بفترة خطوبة صعبة وكل شيء أسهل بعد الزواج، بس مو واثقة فيه بالمرة، حتى مو واثقة في نفسي، وايمانياتي في ربنا اتراجعت، وفي آخر نقاش حاولت انفصل عنه. انا تعبت صرت احلم بالليل انه تاركني وبضلني استخير ربنا في علاقتنا، مع اني بحبه وبعرف إنه هوي قلبه طيب، وخايفة افطر قلبه، وخايفة منهم، وخايفة انحرم من طموحي وحياتي مستقبلا متل ما انحرمت من حقوقي.