هل اسمع كلام اهلي أم أعطيه فرصة ثانية

السلام عليكم ☺ أنا فتاة عمري ٢٣ سنه كنت خاطبة قبل سنه وفسخت من طرفي وبعد بفترة من طلاقي تقدملي شاب والنا مخطوبين ١٠ أشهر وعقدنا القران بعد شهر من قراءة الفاتحة خلال الشهر كان الشب لطيف ومقبول شكلا وتعاملا ولهيك عقدت القران عليه..بعد عقد القران بلشت تبين أطباعو الحقيقية وكل شهر كنت اكتشف فيه عله أول شي بعد فترة من خطوبتنا اكتشفت انو كاين بعلاقه من اربع سنين مع بنت خالتو وهي متزوجة وعندها اولاد بس قبل لا يخطبني تركها بس حاولت تنتقم منو لأنو تركها وحاولت كتير تخرب بيناتنا وبعتتلي رسائل فيها مسبات وحرضتو علي وصاارت مشاكل خير الله من تحت راسها بالنهاية انحلت القصة بمساعدة اهلو بس ما بحس بالامان لانو بنت خالتو انسانه وقحة لأبعد حد وممكن تعمل اي اشي لتخرب علاقتنا وغير هيك خطيبي من شي شهرين بعملي مشاكل ع اشيا تافهة و لما يعصب علي بضل يكفر ويسب وبصير يصرخ علي ويمتسخر وبتمادى وبغلط علي وع أهلي وعايرني اكتر من مرة بطلاقي ووصلت معو لما بكون معصب يتهمني اتهامات مش طبيعية هلأ انا ما بسكت لما يتمادى علي وأكتر من مرة نبهت عليه ما يغلط وما يتمادى واستخدمت اكتر من اسلوب معو حلو ومش حلو بس ع الفاضي وبرضو مانعني اشتغل ومن كتير امور واذا بطلع وبنزل بدون ما احكيلو بعصب وكمان بضل يحكي انو هو بعمل شو ما بدو واذا بدو يغلط بالتصرفات عادي واذا غلط وواجهتو بحكي ما حدا بهمني بغلط وينتا ما بدي ومن هالحكي وطبعا أنا ممنوع اغلط لو غلط صغير واخر موقف الو بعتلي فيدوهات لبنات من مواقع التواصل شغل مياعة وحاول يستفزني وبضل يجاركني ويحكيلي الا اتجوز عليكي وآخر مشكلة بيناتنا حكالي احنا مش زابطين مع بعض مع انو بحبني ودايما يحكيلي ما ببدلك ببنات الكون وبحبك وبدي اياكي بس ليش هيك بعمل ما بعرف مع اني مش مقصرة معو مهتمة فيه ومدللتو ولما حكيتلو ماشي خلي كل واحد يروح بطريق تراجع بكلامو .. طبعا اهلي بدهم اياني اطلق منو لأنو شايفين انو ما رح يحترمني ولا يصوني ورح يهيني واذا هلأ واحنا خاطبين بعمل هيك مستحيل يتغير بعد الجيزة ...فلو سمحتو ساعدوني اسمع كلام اهلي ولا أتأنى مع انو اعطيتو كتير فرص بس ما احترمها وضيعها من ايديه لو سمحتو انصحوني بحاجة نصيحتكم