محتارة في الاختيار بين الرجل المطلق أم زميلي الشاب للزواج

قضايا اجتماعية
محتارة في الاختيار بين الرجل المطلق أم زميلي الشاب للزواج

الاختيار بين اثنين؟ حائرة جدا بدي مساعدتكم جزاكم الله كل خير ارهقني التفكير انا بنت عمري ٣١ سنة لما كنت بداية العشرينات تقدملي عرسان كتير لكن كل واحد فيه شي نفرني منه وكنت متحمسه للزواج عن حب شخص اعرفو مدة طويله قبل ليتقدملي من اهلي والان من اربع سنين ما جاني ولا عريس وفي شخصين حابين يتقدمولي ومحتاره مين اختار ارجوكم ولا حد يحكيلي ارفضي التنين واستني نصيب احسن انا مصرة اني احتار جدا منهم بغض النظر عن الاسباب الاول شب اكبر مني ب ١٣ سنه مطلق وعنده تلات اولاد في الثانويه والجامعات تزوج صغير غصبن عنو ومن كم سنه طلق مرتو لانو ما حبها ولا قدر يحبها . هو معجب في من سنين لكن ما اعطيته مجال يتحدث معي اطلاقا بعد ما طلق وكنت اتعامل معو بس شغل كنت اجيب من عندو بضاعه للشركة هو كان عطول يحاول يحكي معي علواتس وعلواقع ومن تلات سنين اعطيتو مجال يحكي كل ماكانت تمر معي مشكله واحتاج حدا افضفضلو احكيلو هو وكان يسمعني وينصحني اعترفلي بعشقو الي وعرض علي الزواج وكل طلباتي اوامر لما اساله ليش بدك تتجوزني بحكي عشان اسعدك وتسعديني اولادو في بيت امهم وبيجو على بيتو وقت بحبو وهو كريم معهم ماديا ومعنويا وحياتهم مليانه ضحك لكن ما بدو مرتو اطلاقا وهاي الطلقة الثالثه الها انا ناوي يسكني في بيت غير بيتو الي بزوره ولادو فيه وبمدينه بعيده وكتير مواقف اثبتتلي حبه للامتناهي وتعلقو في بعطيني احساس بلقوه والامان وضعي المادي ممتاز ورح يفتحلي بيت مستقل ويجبلي سيارة الشخص للتاني زميلي بلعمل نفس عمري وسيم ونفس شهادتي وطيب وبحبني صرلنا سنين بنشتغل سوا المشكله بحسو متسلط ع المره بشكل عام ومطيع جدا لامه وابيه وينتقد تصرفات البنات كتير قدامي وبحكيلي انو بحبني بس لازم اتغير مشانو وهو مستحيل يتزوجني الا ازا غيرت لبسي وتصرفاتي وممنوع اتنفس بلدوام ولازم اساعدو من راتبي وازا تيسر حالو لازم اترك الشغل وازور اهله كل يوم وبحسو موسوس كتير وبحب يسكر عمرتو الدار وما تطلع منها ومجرد ما مشيت قبال شب بتوتر وبحس انو في اشي غلط . مابحس معو بلراحة قبال الناس لانو بحسسني انو الكل بتطلع علي وبراقبو تصرفاتي ولما احكيلو ليش انت هيك بحكيلي خايف عليكي واناكدي لما نصير فييت واحد رح يكون جنه بس انا ما بحب الطلعات والمشي بلشوارع معك لاني بضل خايف حدا يعاكسك اهلي متشجعين علشخص التاني لانو من عمري وعزابي متلي ورافضين المطلق م انا خايفه ارتبط بلاول لسبب واحد فقط انو مو متعلم متلي بس بشتغل اعملل حره كتير ورضعو المادي منيح . طلاقو مو ماثر علي خصوصا انو عندو بيت لولادو وبيت تاني الي وهمي كبار وحلفلي ما حيفوتو بيتي الا ازا انا حابه يزوروني وما عندو اي اعتراض عاسلوب حياتي بلعكس بدو يسعدني ويدللني ونخرج ونروح وين انا بحب لا هامو لا عادات ولا تقاليد ولا اي اشي كل اشي انا بحبو مستعد يعملو وطريقة تفكيرو واسلوب حياتو نفس الطريقة الي عايشه فيها عند اهلي منفتح متلهم . كتير بسالو ازا حدا عاكسني وانا معك شو بتعمل بحكيلي ماحدا بتجرا وازا حدا اتجرا بكون اخر يوم بعمرو انتي مع زلمي مو طرطور . انا بسالو هيك عشان اعرف ليش الشخص التاني حريص كتير شو المغزى من الموضوع، بحكيلو لبسي مناسب الك بحكيلي انتي البسي شو بدك وازا حدا رفع عينو عليكي انا بتصرف معو بلمقابل الشخص التاني دايما بحكيلي لازم تغيري طريقة لبسك احسن اشي للمرة العباءة والجلباب الشخص التاني بحبني كتير بس الي مخليني مترددة هو انو موسوس بحبش يطلع مع مرتو عمكان دايما مشغول مع صحابو بلقهوه وقليل ما بحكي معي . بحب يغلف مرتو وكتير ملتزم بلعادات والتقاليد البالية قبال الناس بدو سنين ليصير عندو بيت ويكون نفسه ومعظم وقتي بعد الزواج رح يكون عند اهله وخواتو ساعدوني صبايا بليز لو مكاني مين بتختارو! المطلق اكدلي مليون مره انو مستحيل يرجع لمرتو لو شو ماصار

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده اهلا بك يا ابنتي واعلمي انه ليس من المفروض في الزوج تغييرك الا للافضل وبرضاك وقناعتك، واعلمي ان الرجل يجب ان يغار على زوجته ولكن لا يكون شكاك ولا مريض نفسيا وعنده كثير من العقد مثل لا يخرج معك ولا يسمح لك ولا وكل شيء ممنوع لان الاساس الثقة والاساس التعاون والاساس انك كبيرة وواعية وتتق الله ولن تحتاجي لرجل ليقول لك ما الصح وما الخطأ، يجب ان يكون التزامك في اللباس والحشمة والاخلاق واحترام الذات وعدم لفت الانتباه امر تمارسينه لانك بنت اصول ومتربية صح. انا برايي ان الاول اكثر مناسبة لك ولا اعتقد ان الشهادة تفرق لانه رجل كبير وواع ورجل اعمال واسس نفسه واعتقد من تجربته السابقة سيكون اقدر على اسعادك ان عرفت كيف تتعاملي معه وكيف لا تكرري اخطاء الطليقة واياك ان تذكريها او تتحدثي بامرها ولا تتدخلي باموره مع اولاده واعلمي انهم سيكونون شركاء لك في زوجك وماله ووقتك وميراثه فلهذا ضعي هذه النقطة في عين الاعتبار وصحيح انهم كبار الا ان كل مسؤوليتهم على ابيهم، وهذه براي النقطة الوحيدة التي تحتاج الى فتح عيون منك. لم يعجبني طريقة تعامل الزميل لا لشيء ولكن انا ضد الشك وضد التشدد والتعصب ومع اني مع الاحتشام والغيرة الطبيعية والمتابعة، ان اردت ان انصحك فالأول اكثر ميزات من الثاني وعلى كل حال قيل ما خاب من استشار وما ضل من استخار ، بعد ان تسمعي من الجميع وتتخذي قرارك استخيري الله به وامض على بركة الله وربي يوفقك.
  • صورة علم Belgium
    صورة علم Belgium
    من مجهول

    انصحك ب الشاب لان الرجل المطلق وله اولاد ستعانين في صمت ستتحملين  مسؤليات لا شغل لكي بها ستعيشين جسد بلا روح 

  • animate

  • صورة علم Algeria
    صورة علم Algeria
    من مجهول

    نصيحة مجرب اختي تزوجي المطلق هو الي راح يسعدك وهو الي راح تعيشي معاه بكل هناء وسعادة هذا والزواج من مطلق ليس عيب بالعكس هناك من تتزوج واحد متزوج وتعيش معاه بسعادة أكثر من الأعزب هذا أولا ثانيا لاحظت من خلال الرسالة أنو قلبك مايل وحابب المطلق يعني عاجبك أكثر من الأعزب وهذا المطلوب انو تكون لديك رغبة للزواج من شخص معين ثالثا هبوب الي ذكرتيها عن الأعزب لا أنصحك بالزواج به اذا لم يقدر لك الزواج من المطلق

  • صورة علم Canada
    صورة علم Canada
    من مجهول

    من الآخر اختاري المطلق ...

  • صورة علم Saudi Arabia
    صورة علم Saudi Arabia
    من مجهول

    الأخت الكريمة انتي احترتي بين مطلق متسامح ظروفه المادية طيبة لين في أخلاقه عيبه انه اكبر سنا وأهلك لايفضلونه مع نظرة زميلاتك لكي والثاني اعزب ووسيم لكن فيه تشدد وبياخذ مالك وجهة نظري أن تصارحي الاعزب بهذا الامرين الأول تقولي له إذا بدك تتزوجني فلا تتدخل في حياتي الشخصية من لبس وغيره لك مني أن لا اخونك في شيء محرم الثاني لاتشترط اعطيك من راتبي إن اعطيتك تكرما نعم اما شرط فلا إذا ما ناسبك هكذا فاتركني وابحث عن غيري تشوفي رده ايش أما المطلق انتبهي انا رجل واعرف حركاتهم إذا كتب الله لكي المطلق لازم البيت قبل الزواج ولازم تعلميه أن أولاده مايوذوك

  • صورة علم France
    صورة علم France
    من مجهول

    انصحك بالاول اما الثاني راح تشوفي الويل هو هيك و انتي مازلت لم تروحي لعندو و ختي يمحي شخصيتك بيعتبرك عورة ولازم تنستر

  • صورة علم Algeria
    صورة علم Algeria
    من مجهول

    نصيح اختاري الشخص الثاني راح تتعبو قليلا لكن هو الافضل على الاقل لايشاركك فيه احد و حياته كلها لك و التغييرات هي من باب الحرص و الغيرة عليكي

  • صورة علم Morocco
    صورة علم Morocco
    من مجهول

    يا المطلق يا تستني يمكن يجيكي احسن منو . بس الشخص الاخر لا تحطيه فالاعتبار . يا يحبك ويقبلك متل ما انتي يا يروح يدورلو على وحدة فيها المواصفات اللي بدو ياها من الاصل مش يغيرها او يشكلها على مزاجو

  • صورة علم Egypt
    صورة علم Egypt
    من مجهول

    اختاري الشخص الأول حتي لو مطلق و عنده اولاد اما التاني اعتقد مش منفتح راح تتعبي معه نفسيا و ماديا اقنعي اهلك و اصري علي الأول بالتوفيق

  • صورة علم Libyan Arab
    صورة علم Libyan Arab
    من مجهول

    بالنسبة لزميلك اعتقد لن ترتاحي بزواجك منه لانك في عمر تكونت شخصيتك وقناعاتك ووجهات نظرك ، ولن تستطيعي تغيير شي في شخصيتك ، اما المطلق مناسب لك فقط هناك نقطة واحدة يجب مناقشتها قبل الموافقة ، وهي الإنجاب . فهو لديه أطفال وفِي عمر يمكن لم يعد يرغب في تربية اولاد ، ومن ناحية اخرى ربما يريد ان يكون الشي الوحيد في حياتك فلا يزاحمه احد في حبك ، ويريد من يطبطب ويدلع مقابل ما يغدقه عليه من هدايا وحياة مرفهة ، انتبهي

  • صورة علم Kuwait
    صورة علم Kuwait
    من مجهول

    من غير ما اقرأ الخمس سطور الاخارةًعليك بالثاني اللي من عمرك

  • صورة علم Iraq
    صورة علم Iraq
    من مجهول

    لو انا مكانك اتزوج المطلق العادات والتقاليد والقيود تخلكى روح بلاحيات شو عليك بكلام الناس والبس ومالبس عيش لى بدك ياه بس بشرط لا تخربط بين الاولاد و والدهم هذا حرام انسانيا من تموتين انتى حدك تحاسبين عل افعالك ماحد يشل باخرة ذنوبك ..لهذا عيش الخيات الى انتى تدرين لا الحيات مرتبطة بالعادات و التقاليد.

  • صورة علم United Kingdom
    صورة علم United Kingdom
    من مجهول

    انتي مترددة متلي و عمري نفس عمرك و كمان بحتار و مابقتنع بحدا و مابقدر آخد هاد القرار و بدي عن حب بس الواضح انك مختارة و مقررة ع المطلق لكن بدك تبري ذمتك و تفكري بالتاني. الحقي قلبك و شوفي لوين ميال اذا مشكلتك مع المطلق بس المستوى العلمي فعادي انه كتير عندو مشاكل تجاوزتيها متل انو مطلق وعمرو كبير و عندو اولاد ماوقفت ع التعليم يعني. التاني شكلك مارح ترتاحي معو او جربي اعطيه فرصة؟ شوفي كيف بكون بس بماانو شرط عليكي وانه مارح يتزوجك الا اذا تغيرتي فهاد مش حب. استخيري و الحقي قلبك و احساسك والله يوفقك.

  • صورة علم Jordan
    صورة علم Jordan
    من مجهول

    اياكي والمعتقد راح يدمر عيشتك ما عندو ثقه لا بنفسو ولا بالآخر وبعدين اندبوري انسي الزلم الثاني ناضج مقتدر وما راح يغلبك لانو حريص ينجح بعد الفشل الأول اهم شي مش معقد منفتح

  • صورة علم Turkey
    صورة علم Turkey
    من مجهول

    بسبب وجود العنصر المادي عند الشخص المطلق حضرتك عم تنشدي لإلو (شي طبيعي) ومع الكلام المعسول والأفكار المعسولة زدتي إنشداد لإلو ، وهالأشياء خلتك (لا إرادياً "صدقيني") تنفي المميزات بالشخص العزابي أو حتى تشوهيها عن لا قصد منك فقط لحتى تقنعي ضميرك وعقلك انو هالشخص مو كويس و هداك أفضل ، والظاهر إنك فكرتي بجميع الحلول لدرجة قلتي ما حدا يقلي استنى غيرهم لأنو فعلاً كنت رح قلك استني غيرهم ليش ! لأنو الشخص الأول أنا 'والله أعلم' بأكدلك انو شخص كاذب بالأفكار الي عم يحكيلك ياها ومعاملته رح تكون سيئة معك واعرفي انو غير أهل لإنك تشعري بالأمان معو ، الدليل إنو طلق مرتو وام ولادو الي أعمارهم بيصل للعشرين سنة لسبب يُعتبر تافه وسفيه بوجود عِشرة عشرين سنة و بوجود أولاد يُعتبروا تقريبا رجال ! ف حضرتك قليلي هل رح تضمني ما يطلقك بعد شهر لإنو وببساطة ((لم يجد الحب الذي يبحث عنه هههه)) !؟ أما الشخص الأعزب السبب الوحيد الي بقلك اتركيه واستني حدا غيرو هو إنو قلبك ما سكن لإلو ولا ارتاح وهالشي أهم من كل شيئ أما باقي الصفات الي ذكرتيها فيه تكاد تكون عادية إلا هي الصفة (ما بطلع معك لإنو بخاف حدا يعاكسك) لو قايل ما بطلع معك لانو ديني بيمنعني او هيك شي كنت انا الشب رح وافق اتزوجوا ⁦⁦، أما السبب الي ذكروا فهاد لا يعتبر شيئ من الرجولة بتاتاً . أخيراً النصيحة الي بنصحك ياها قبل كل شيئ قبل ما تختاري حدا منون هو انك تحصلي على معلومات عن هالشخصين من محيطهم الخاص الي عايشين فيه وخاصة الشخص المطلق سألي المحيط حوليه عنه و روحي "ضروري" لعند زوجتو اي نعم لعند زوجتو وخدي نصيحتها وشوفي سبب طلاقها منو وفيما بعد بتقيمي المعلومات الي اخدتيها منها مع المعلومات الي اخدتيها من محيطو وبتعرفي ومع تحليلات بسيطة بتصلي لنتيجة شو هو هاد الشخص ، وكذلك الأمر مع هداك الشخص اعرفي هل الصفات الي فيه او الاشياء الي عم يطلبها منك من باب الغيرة والدين وخوف الله إلا من باب (الجبن والخوف وعدم الرجولة) وبالتوفيق .

  • صورة علم Egypt
    صورة علم Egypt
    من مجهول

    يعني ايه الايمان بينك وبين ربنا ،،يعني ربنا يقولك الحجاب تقولي لا يا رب مش مهم كفاية ان مصدقة انك ربنا .... واصلا الشخصين يبدو من كلامك محاولتهم عمل علاقة غير شرعية من حديث معك دون ضرورة فيما لا يجوز ...... يا ريت تعدلي حالك مع ربنا وتحاولي تصلحي نفسك وتنتظري من كرم الله ذو خلق ودين . انت ممكن تتزوجي عادي وبعدين تطفشي لان ربنا هو الذي بيده السعادة ...اطيعيه تسعدي

  • صورة علم
    صورة علم
    من مجهول

    ارى ان لا تغضبي اهلك المطلق اكبر منك بسنوات كثيرة صحيح ان فيه الكثير من المميزات ولكن الافضل ان تبدأي الحياة مع شخص في مثل عمرك تماما يا عزيزتي وبرأي انه يجب ان تكوني قوية وتحاولي فرض وجهة نظرك المخالفة له لا ان تهربي وتكوني مجرد ردة فعل

  • صورة علم
    صورة علم
    من مجهول

    واضح للغاية انك معجبة اكثر بهذا الرجل المطلق ، وبرأي الزواج يجب ان يبنى على الاعجاب والحب يا عزيزتي قبل أن يبنى على اي شيء آخر ، واعتقد ان هناك قبول واضح منك ، فلا تورطي نفسك مع الشاب الاخر لأنه سوف يحاول السيطرة عليك بعد الزواج

  • صورة علم
    صورة علم
    من مجهول

    انتي لن تكوني سعيده مع الشخص الثاني فهو لن يعطيكي الحريه ولن تكوني على سجيتك معه بل ستموني مقيده في كل لحظه اما الرجل الاول فهو مراعي ومتفاهم ويمكنك ان تجدي معه الحل لاي مشكلة وهذا هو اهم شيى في الزواج الاحترام المتبادل والتفاهم في حل المشاكل 

  • صورة علم
    صورة علم
    من مجهول

    ان الاختيار للرجل الاول هو الافضل بالطبع فهو انسان مريح ومدرك للزواج وكيفيه الزواج وكيفيه اسعاد زوجته ولديه الخبره في الحياه الزوجيه التي تمكنه من فتح منزل لنفسه والحفاظ عليه اما الاخر فيبدو انه انسان غير ناضح بعد ولا يمكنك ان تكوني سعيده معه 

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟