أبي رفض الشخص الذي أحبه لأنه أقل درجة من مستوانا المادي
من مجهول
تاريخ النشر: 12-07-2021 21 إجابات
في شاب شافني في مكان دراستي واعجب بيا وانا كمان اعجبت بيه وجه اتقدملي علطول عشان نعرف بعض اكتر، لكن للاسف اهلي كانوا مسافرين ومش هييجوا الا بعد ٧ شهور فكلمهم وقالوله اما ننزل مصر ان شاء الله هنسال عليكم ونشوف الموضوع، خلال ال٧ شهور دول حبينا بعض جدا جدا وبقينا ادمان بالنسبة لبعض وهو طلع شاب مؤدب جدا ومحترم وعنده اخلاق وجدع وكان ديما بيخاف عليا وبيحبني حب كبير جدا وافعاله كلها كانت بتثبتلي ده من الاخر سخص ميتعوضش وحافظ عليا واهلي مش هنا ومرضاش ابدا يقابلني من وراهم وقالي لما اهلك ينزلوا مصر عشان اقابلك واشوفك بالحلال وفي بيتك، المهم عدى ال٧ شهور واهلي نزلوا وكلمهم وبعدين بابا سأل عليه وعلي عيلته وطلعوا محترمين وناس جدعان وكل الناس بتحبهم وبتشكر فيهم، واما كان رايح يسال عليهم سبحان الله يشاء القدر انه يقابل اللي بحبه في الشارع، اخدوه البيت وغدوه وشرب معاهم الشاي واكرموه وعاملوه احسن معاملة، طبعا هما كانوا مستنيين رد رسمي من اهلي لكن بابا فضل اسبوع ومردش عليهم فأخوه الكبير اتصل على بابا وبابا قاله ان مفيش نصيب ورافض الموضوع، اخوه لسه بيكلم بابا يقوله طب ليه وكدة اي حاجة بتتحل فبابا راح مستأذن منه في المكالمة وقفل، طبعا انا كنت مصدومة ومش مصدقة ان بابا رفض وعيطت جدا وقلتلهم انا عوزاه وكدة ولقيت اللي بحبه اتصل عليا وهو بيعيط وبيقولي هما اهلك رفضوني ليه انا عيبي ايه وبيقولي انا عاوزك اناي وبس وهعمل اي حاجة عشانك، اتقدملي تاني وامه كلمت ماما واستنت منها رد بس ماما مردتش عليها برضو، راح مكلم ماما وقالها يعمل ايه تاني عشاني فماما قالتله يكلم بابا تاني وفعلا كلمه وبابا قاله انا هفكر في الموضوع، وكلم جدي كمان وحكاله عشان يحاول يقنع بابا لكن للاسف جدي وقف في صف بابا، بابا فضل 10 ايام من غير ما يرد عليه فاتصل عليه وبابا في المكالمة قاله كلام صعب جدا وكسره وقاله انا مفكرتش اصلا في الموضوع وقاله عشان ظروفك المادية وكدة فاللي بحبه قال لبابا انه عايش مبسوط عادي ومرتاح وانه مش هيحرمني من اي حاجة ومقدم على فرصة سفر واول ما الطيران يفتح هيسافر علطول عشان يكون معاه رأس مال ويفتحله مشروع هنا في مصر وهيشتغل على نفسه اكتر ومش هيقعد مكانه كدة ده غير اصلا انه معاه وظيفة يعني هو هيسافر ويفتح مشروع جنب شغله الاساسي، يعني تقريبا 10آلاف جنيه في الشهر، وكمان هو عنده شقته ومجهزها كلها بفلوسه هو ومعاه يجيب شبكة عادي وجاهز وومكن يتجوز من بكرة، بابا قاله تعرف تجبلها شقة في الحافظة بتاعتنا هنا (للعلم هو من محافظتنا وعندهم بيتهم هنا وليه فيه الشقة بتاعته اللي هيتجوز فيها واللي واقفة بس عالدهان والعفش، لكن اقامته وشغله في محافظة تانية بعيدة جدا عننا)، بعد ما بابا قاله تعرف تجبلها شقة لواحدها في محافظتنا قاله انه حاليا ميقدرش لإن الشقق هنا غالية جدا جدا وبالملايين بس قاله ان شاء الله اما اشتغل على نفسي وازود دخلي هجبلها الشقة دي وهجبلها سيارة كمان، بس اصلا بابا قاله كدة عشان يعجزه ويقطم وسطه لإنه عارف انه ممعهوش يجيب شقة دلوقتي وهو اصلا عنده شقة جاهزة في بيت عيلته يعني، فبابا قاله وكمان ظروف سكنك مش مناسبة، فقاله يا عمو خلاص انسى ان انا شغال في الحتة الفلانية دي وانا مش هقعد بنتك فيها خالص وبنتك هقعدها في الحتة اللي هي عوزاها وكمان هنقل شغلي وسكني لمحافظتكم عادي، بس بابا فشل يتلكك وراح قاله بكل قسوة انا رافضك للمرة الاولى والتانية والتالتة دي كمان، روحت استجمعت شجاعتي ووقفت قدام بابا وعيطله جامد وقلتله انا عاوزاه ومتحرمناش من بعض فضربني ومعادش بيكلمني خالص ومحدش من اخواتي وقف معايا وكنت اما اكلم ماما في الموضوع تزعقلي وتقولي خلاص بقى انسيه واقطعي الأمل، وللاسف بعدنا عن بعض انا وهو وقالي انا مقدرش اكلمك من ورا اهلك كدة وهما رافضيني ومش عاوزيني، قعدنا فترة مش بنتكلم وربنا اعلم بحالنا كان عامل ازاي انا مكنتش عايشة اصلا وكنت حزينة خالص ومش بتكلم وعلطول بغيط وخسيت نص وزني وهو كمان كان نفس الشيء واكتر مني كمان لإنه حبني حب محدش شافه قبل كدة وكان بيحبني اكتر ما انا بحبه كمان، رجعنا نتكلم تاني غصب عننا ومحدش فينا عرف ينسى التاني ابدا وعايشين حياتنا مش طبيعيين ابدا وعيط كاير اوي وهو بيكلمني وقالي انا عاوز اعمل اي حاجة عشانك وناخد بعض بس اهلك موقفين الموضوع ومعدتش عارف اعمل ايه تاني معدش بإيدي أي حاجة، قلتله اننا مش هنقدر نعيش من غير بعض ابدا واحنا اصلا دماغنا واحدة وبينا تقارب فكري ومتفاهمين مع بعض جدا وعمر ما حد فينا زعل التاني وكنا بنخاف اوي على زعل بعض وبنحل اي مشكلة تجي قصادنا بكل هدوء وتفاهم ده غير الراحة اللي بينا وقلوبنا اللي متعلقة ببعض، كن الاخر انا مقدرش اخسر الشخص ده ابدا ومراهنة عليه اي حد ومتاكدة انه هيسعدني وهنكون كويسين مع بعض وطمعانة انه يكون ليا انا مش لواحدة تانية ومش هلاقي زيه تاني ابدا في كل صفاته، فدلوقتي احنا مش عارفين نعمل ايه وازاي نخلي اهلي يوافقوا عليه انا بينت كتير اوي اني زعلانة بس محدش من اهلي كان بيحس بيا ولا بيقف جنبي، اتفقنا انه يكلم ماما تاني ويقولها انه لسه شاريني وعاوزني وهينسى اي حاجة وحشة اهلي عملوها معاه ويجيلي تاني يتقدم لو وافقوا وطلب منها تقف معانا وتحاول تقنع بابا، بس عي رفضت بردو وقالتله ان باباها رافض تماما حتى لو هي كلمته، انهار جدا وقالي انا مش لاقي حاجة تانية اعملها عشان تكوني من نصيبي، سبب الرفض عند بابا هو انهم اقل مننا درجة في مستواهم المادي وموضوع اني هسكن بعيد عن اهلي واللي بحبه حل كل المشاكل دي لبابا بس بابا برضو كان بيرفض، دلوقتي احنا مش لاقيين حل خالص ومش عارفين نعمل ايه ومش مستعدين ابدا اننا نفارق بعض تاني وكل مرة كنا بنتفارق فيها بسبب رفض اهلي ونرجع لبعض تاني كان حبنا كل مدى يزيد اكتر واكتر ونتمسك ببعض اكتر، وهو استحمل كتير من اهلي وكرامته كانت بتنزل في كل مرة يتقدملي فيها ويترفض بس قالي ده مش مهم قصاد ان انا اخدك في الاخر وهنسى اي حاجة وحشة حصلت من اهلك مجرد ما نكون لبعض، نعمل ايه بقى عشان اهلي يوافقوا عليه؟ واهله ببيجبوله عرايس كتير اوي وعاوزين يفرحوا بيه بس هو مش بيرضى خالص وبيقولهم انا عاوز اللي انا حبتها دي وبس، قولولنا نعمل ايه والنبي احنا بنموت من غير بعض.
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
-
الدكتورة سناء مصطفى عبده اهلا بك يا ابنتي ولا يوجد شيء اسمه نحن بنموت في بعض ولا رابط شرعي بينكما، ولا يجوز ان يكون محترم ويبقى في علاقة وحب وغرام معك رغم رفض والدك، الزواج قسمة ونصيب ومن رايي بدلا من كل هذا الخوض في المسألة ان تتابعي انت دراستك ويجتهد هو ويشمر عن ذراعه وبعد فترة بعد ان يتحسن وضعه، ياتي ويعيد التقدم لك مرة ومرة حتى يوافق ابيك ويعطيه كل شروطه ان كان يريدك بشرط ان لا يتواصل معك ولا تموتي فيه ولا تحبيه ولا تخدعي ابيك. ولك ان ترفضي اي عريس يتقدم لك وهذا حقك، ويحق له ان يرفض ان يتزوج ولا يقبل باي عروسة. ولكن لا يجوز ان يتواصل معك بدون علم اهلك ولا موافقتهم، لان هذا حرام وخداع وخيانة وسيسبب عناد اكثر عند ابيك، بل يجب ان يستثمر في الوقت ويتسارع في العمل والتوفير ليوفر لك ما طلبه ابيك وانت اهتمي بدراستك واستغفري ربك وان شاء الله ان كان لك به نصيب سيتزوجك، فالزواج قسمة ونصيب وربي يوفقك 
![animate]()
من مجهول اختى الكريمه من الواضح أن والدك لا يقبل به لأسباب أخرى غير أن مستواه الأجتماعى اقل منك بدرجه فهذا السبب غير مبرر ! و هو يرفضه بشكل تام و بدون اى نقاش فليس من المعقول أن هذه التصرفات بسبب هذه المشكله فقط فبالتأكيد يوجد سبب آخر لا يريد أن يذكره اليكى فحاولى معرفة هذا السبب.
من مجهول اختى الغاليه انا أرى أن تحاولى أن تنفصلى عن هذا الشخص الذى تحبيه قبل فوات الأوان و قبل أن تتعلقى به أكثر من ذلك لأستحالة امر زواجكما و حاولى أن تقللى الكلام معه بالتدريج حتى يمتنع تماماً و اشغلى وقتك و تفكيرك لأى شئ آخر مثل قراءة الكتب و الروايات و التحدث مع أصدقائك او قومى بالأشتراك في نادى رياضى.
من مجهول عزيزتى لماذا تنتظرى موافقة اهلك على الشخص الذى تحبيه! و لماذا يسمحون لأنفسهم أن يتوقفوا امام حبكما و يخربون حياتك و يتحكمون بها و كأنهم ملكوكى لأنك ابنتهم! اختى العزيزه تتزوجى من هذا الرجل رغماً عن ارادة أى شخص اياً كان و لا تسمحى لهم أن يخربوا حياتك و يجلسوا و كأن شيئاً لم يحدث!
من مجهول انا أرى أن والدك محق قليلاً في هذا الامر فهو يريد مصلحتك فأنت لن تستطيعى أن تعيشي في مستوى اقل من مستواكى الأجتماعى فهذا يكون صعب قليلاً على الكثير من الناس ، و سوف يترتب عليه الكثير من الخلافات و المشاكل قبل زواجك به و بعد الزواج و فى كل وقت ، انا أرى أن تراجعى نفسك في هذا الأمر مرة أخرى.
من مجهول من الواضح أن هذا الشخص جيد جداً و على خلق و يحبك كثيراً فيجب عليكى أن تتمسكى به مهما حدث و لا تسمحى لأهلك أن يجعلومى تملى او يقوموا بالضغط عليكى حتى تتركيه ، فتذكرى دائماً انه يجب عليكى أن تتمسكى به مثل ما هو متمسك بك و ادعى الله دائماً أن يجمع بينكما في حاله و يهدى لك اهلك.
من مجهول يجب عليكى أن تعلمى اختى الكريمه ان لا أحد يحق له ان يمنعك من الزواج من الشخص الذى تحبيه إذا كنتى متمسكه به و لا يوجد أحد ايضاً يستطيع ان يزوجك من رجل آخر غيره فأنت الان بالتأكيد اصبحتى شخص بالغ و عاقل و تستطيعين اخذ قراراتك بنفسك بدون ان يتدخل أحد في حياتك الشخصيه و اختياراتك.
من مجهول عزيزتى يجب عليكى أن تفكرى في هذا الأمر مرة أخرى بحكمة و عقل فاجلسى مع نفسك في جلسة صفا و حاولى أن تتفهمى كلام اهلك و تفكرى به فمن الممكن انهم محقون و بالطبع يريدون مصلحتك ففى بعض الاحيان الحب يكون ليس كافى لاستكمال الحياه الزوجيه و تسبب الفوارق الاجتماعيه و الماديه الكثير من المشاكل في المستقبل.
من مجهول كان الله في عونك اختى العزيزه انا اتفهم ما تمرين به و اعلم انه ليس شئ هين لكن عليكى أن تتعاملى معه بحكمه ، انت تعلمين أن هذا الشخص لن يتركك مهما حدث فهذا شئ جيد لكن يجب عليكى انت ايضاً ان تتمسكى به و لا تستسلمى من موقف اهلك فلا تقبلى بأى شخص زوج لكى غيره و ارفضى اى فرص أخرى للزواج.
من مجهول اختى الفاضله انا لا أرى أن من حق اهلك أن يمنعوا حقك من الزواج من الرجل الذى اختارتيه و اختاره قلبك ، فإذا لم يوافقوا فيجب عليكى أن تعلميهم انك سوف تتزوجيه برضاهم او بغير رضاهم فهذه هى حياتك و انت من ستتزوجيه و ليس هم ، و تزوجيه مهما حدث لكن بعلمهم و بعلم كل الناس فأنت لا تفعلى شئ خاطئ او محرم.
من مجهول انتي لازلتي صغيره يا عزيزتي وهو امامه الوقت ليرفع من مستواه المادي فان كان يريدك فعلا فعليه ان يعمل اكثر ويزيد من دخله ويرفع مستواه ووضعه المادى وعندها ستنتهي المشكلة ولن يتم تعقيد حياتك ابدا وستتمكني من الزواج ممن تريديه فانتي لازلتي طالبه مدرسيه وامامك وقت طويل حتى تتزوجي
من مجهول لا تفكري في الامر اكثر من اللازم فانتي يا ابنتي في حاجه للخروج من هذا الوضع وفي حاجه لفهم انه ان لم يحدث نصيب فهي ليست نهايه العالم فحاولي ان تضعي حدود لكل هذا وان تبدئي في الاهتمام لنفسك ولحياتك دون اي تعقيدات لا داع لها على الاطلاق فالامر يحتاجومنكس للتفكير فيه بحكمه اكبر
من مجهول ارى انه يمكنك ان ترفضي كل من يتقدم لكي وانه يمكنه ان يعمل اكثر ويجتهد حتى ينفذ كل طلبات والديك ويصبح اكبر من والدك في المستوى الاجتماعي وعندها يمكن ان يتم حل المشكلة ويمكن ان تعيشي حياتك معه بالشكل المناسب فانتي لازلتي في مرحله الدراسه ويمكنه ان يعمل على نفسه ويحل المشكلة
من مجهول والدك لديه نظره يا ابنتي فالحب وحده لا يكفي يا عزيزتي لهذا كوني اكثر حكمه في التعامل مع الامر فان كان اهلك رافضين للفكره فلن ينجح هذا الزواج لذلك لابد من ان يتم الامر بموافقه من اهلك لتتمكني من حل تلك المشكلة ولتتمكني من الخروج من هذا الوضع بالشكل الصحيح فلا يجب ان تفكري في الامر اكثر من اللازم
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
مقالات ذات صلة
فيديوهات ذات صلة
أسئلة ذات صلة
مقالات ذات صلة
احدث مقالات قضايا اجتماعية
احدث الوصفات
4.75
طريقة عمل حلى كرات الشعيرية السهل والسريع
5 دقيقة 5 اشخاص 68 سعرة حرارية متوسطة3.2
طريقة عمل كيكة الجيلي الباردة
15 دقيقة 5 اشخاص 176.4 سعرة حرارية سهلة4.722
طريقة عمل حلويات سهلة بدون فرن وبثلاث مكونات
10 دقيقة 10 اشخاص 203 سعرة حرارية سهلة2.966
طريقة عمل آيس كريم بدون سكر
15 دقيقة 3 اشخاص 637 سعرة حرارية سهلةاحدث اسئلة قضايا اجتماعية
اسئلة من بلدك
احجز استشارة اونلاين
