كيف أجعل أبي يسامحني على تدمير علاقته بزوجته

مرحبا كيف أجعل أبي يسامحني انا عمري ١٨ سنة ما بعرف اكتب عربي بس صديقتي كتبت بدل عني نحنا عايشين بالسويد بدي مساعدة انا ابي مطلق امي من 9 سنين وبعدها تزوج وحدة تانية وصار عنا اخ منها والحقيقة مرت ابي كتير كانت كويسة معنا كنا صغار انا واختي هلا اختي عمرها ١٣ كنا نام عندها تجبلنا شغلات وتعطينا وتدير بالا علينا وتحبنا لدرجة انو تمنينا تكون امنا بس للاسف امي ما كانت تحبا وتكرها وتغار منها مع انو امي تزوجت قبل ابي وجابت بنت

بعد فترة تطلقت امي كانت تضل تبعت لمرت ابي تسب عليها وتحرمنا من ابونا وتعلمنا عليه وتقلنا نتعامل بحقارة مع مرت ابونا وعملنا مع مرت ابي شغلات كتير عاطلة ووصلت للطلاق بينا وبين ابي يعني درجة انو نحنا نسرق دهبها وابي تهمها انو خبت الدهب وامي اتهمتا انو عم تعيط علينا وتضربنا بغيابو عن البيت وامي حكت عليها وطعنت بشرفها مع انها آدمية والناس كلها بتعرفها انها نظلمت بسببنا

للاسف حسينا عحالنا بعد ما ابي عرف كذبنا وعرف قديش ظلم مرتو بسببنا وقديش كنا سبب بخراب كبير وهلا بدنا نصالحها هي وابي وابي حالف يمين ما ندخل بيتو شو نعمل شو الحل نحنا ندمانين والمشكلة كل فترة عم نرجع نمشي شوي عدل بعدين نعمل مشاكل مع مرت ابي ونعملن مشاكل نحنا وامي لهيك بطل يثق فينا