هل تمسكي بشخص أحبه يعد عقوقًا للوالدين؟
من مجهول
تاريخ النشر: 20-11-2025 11 إجابات
هل تمسكي بشخص أحبه يعد عقوقًا للوالدين؟ هل اختياري هذا عقوق للوالدين؟ السلام عليكم، أنا هحكي لكم بكل صراحة لأني أدعو الله أن أجد حلًّا يريح عقلي وقلبي، أنا طالبة في كلية الطب، عندي 22 سنة، وبحب ابن خالتي، هو أكبر مني بثلاث سنين، ويشتغل في السعودية، لكن مش معاه شهادة جامعية، هو كمان بيحبني، والموضوع ده بقاله سبع سنين، كنت وقتها لسه في الثانوي، وهو حاول يفتح موضوع الخطوبة مع والدتي، لكنها رفضت وقتها وقالت له إني لسه صغيرة، وإنها مش عايزة تشغلني عن دراستي، وقالت لي أقطع علاقتي بيه تمامًا، وفعلاً قطعت علاقتي بيه، لكن حبه فضل في قلبي، وكنت بدعيله في كل صلاة
لما دخلت الكلية رجع يتواصل معايا كل فترة، يطمن عليّ، وقال لي إنه لسه بيحبني، ورجع كلم والدتي تاني في الموضوع، بس هي رفضت وقالت له إني خلاص هكون دكتورة ومش هليق بيه، ولازم ينساني، لكنه قال لها إنه عمره ما هيقدر ينساني، ومستعد يعمل عشاني أي حاجة، وأنا حاولت أقنع ماما كتير، بس هي رافضة الفكرة أصلًا، دلوقتي هو رجع يكلم والدتي تاني، وهي جات سألتني: إنتِ لسه موافقة عليه؟ قولت لها إني لسه بحبه ومش عايزة أكمل حياتي مع حد غيره، زعقت لي، وأهانتني، وضربتني ضربًا مبرحًا، والله بقالي شهور بتعاملني أوحش معاملة، وبتقول لي: إزاي تبقي دكتورة وتفكّري فيه؟ الناس هيقولوا علينا إيه؟ هتفضحينا، وبتقول لي: أنا بقيت بكرهك، وأنا هقول لوالدك، ده ممكن يجراله حاجة لو عرف إنك بتفكري في واحد زي ده (والدي مسافر برضه في السعودية)
والدي نزل إجازة، وماما قالت له، وكان نفس ردّها، وقال لي: عمري ما هسامحك، أنا ضيعت عمري عشانك، وإنتِ عايزة تضحكي علينا الناس؟ إزاي بعد ما علمتك وكبرتك عايزة تتجوزي واحد مش متعلم؟ وبقى يدعي عليّ ويقول: موتِك عندي أهون من كده، حتى أختي الأصغر مني بقت بتعاملني باحتقار، نفسيتي تعبت قوي، وبعيط كل يوم، بس هو في قلبي كل السنين دي رغم إني بعيدة عنه، مش قادرة أتخيل إني ممكن ماكمّالش حياتي معاه، أنا والله العظيم ما كنت قاصدة أحبه أصلًا، ولا عمري فكّرت في الموضوع ده، ربنا اللي جعل حبه في قلبي
والدي ووالدتي عمرهم ما قصّروا في حقي، بالعكس، هما وقفوا جنبي وكنت مقربة منهم جدًا، ما توقعتش إنهم ممكن يعاملوني كده، بس أنا مش شايفة إن ارتباطي بيه حرام أو عيب، لأنه مسلم زَيّي، وأخلاقه كويسة الحمد لله، عارفة إن المستوى الاجتماعي يفرق، لكنه مالي عيني، ومش متقبّلة أي حد غيره، أنا عارفاه كويس وعارفة ظروفه، لأنه ابن خالتي، وعارفة إنه ماكملش تعليمه ليه، وعارفة إنه مرّ بظروف صعبة وتعب قدّ إيه، ومتحمّل مسؤولية نفسه وأهله
انصحوني أعمل إيه؟ إزاي أقدر أقنع أهلي يوافقوا؟ أنا مش عايزاهم يزعلوا مني، كان نفسي الشخص اللي قلبي يختاره يكونوا هم كمان موافقين عليه ويفرحولي، لكن هم دلوقتي بيكرهوني ويدعوا عليّ، أنا خايفة قوي من زعلهم، ومن دعائهم عليّ، وهل تمسُّكي بيه يعتبر عقوقًا لأهلي وفضيحة لهم؟
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
-
الدكتورة سناء مصطفى عبده اهلا بك يا ابنتي وسؤالك هل تمسكي بشخص أحبه يعد عقوقًا للوالدين؟ اولا اعلمي ان هذا الحب بقصد او بدون قصد حرام لانه لا يربطك به اي رابط شرعي، واعلمي ان الزواج قسمة ونصيب والانسان لا يعرف اين نصيبه ولهذا تم تحريم اي علاقة لا تدخل في ميثاق زواج فالمأرة يجب ان تحب زوجها وهو ولي امرها واول من يجب ارضاءه ونيل طاعته ورضاه بعد الله. ولكن انت لا زلت بنت في بيت اهلك وانت لا زلت تتعلمين وانت لا زلت في وضع لا يجعلك جاهزة للرد الان ولانك فعليا لا تعرفين اين نصيبك. وتوقفي عن هذه العلاقة واكثري من الاستغفار وقولي له ان الزواج قسمة ونصيب وانك لن تفكري في رجل غيره ولكن لم يحن وقت الزواج بالنسبة لك حتى تنهي دراستتك وتنظري في امرك. ثانيا نعم كلامك صحيح لا علاقة بين الدراسة وسعادة الزواج، وبالطبع اهلك اخطأوا بفعلهم ذلك معك وخاصة ان الشهادة لا تعيب الرجل وهي ليست شرطا من شروط الزواج ، ولكن في ذات الوقت انت ردة فعلك كانت خطأ في التعامل مع اهلك بالتحدي، وانصحك ان تعملي الان على تهدأة العلاقة باهلك ثم انت تقرري الزواج من غيره او الرفض بكل هدوء وهم مع الوقت سيعلمون ان لديك وجهة نظر، وان شعرت ان نفسيتك هدأت عليك ان تقطعي العلاقة معه قطعا تاما الى ان يحين الوقت ويكون مستعدا حقا للتقدم لك وتقديم ما يغري اهلك بانه زوج ينفعك، وتذكري ان الوالدين لهم بعد نظر ووجهة نظر وصحيح اننا لا نريد ان نكون ماديين ورمفوض رفضا تاما التمييز بين الناس حسب مناصبهم وشهاداتهم، ولكنهم يرون ابعد من مشاعر قلبية عندك، اتركي الامر قليلا فانت لا زلت صغيرة وحكمك عاطفي في هذه المواقف، وهو ايضا لا يزال صغيرا ولديكما بضع سنين اخرى لتنضجا ولعل الله يحدث امرا هاما، لا تخسري والديك ولا تزعليهما، بل كوني حنونة ولطيفة معهما واخبريهما انك قررت قطع العلاقة معه ارضاء لله اولا ولهما ثانيا وستتركين امر الزواج الان لتنهي تخصصك وتتابعي حياتك ولعل الله يحدث لك امرا يسعدك فاكثري من الدعاء واتركي هذا الحب ارضاء لوجه الله والتوبة وكوني قوية ومتدينة وراقية في تعاملك واكثري من الدعاء وربي يوفقك. من مجهول المشكله دي اتعرضت ع الموقع قبل كدا وعاما هرد عليكي تاني مفيش حد يستحق التضحيه في هذا الزمن الا والديك وخصوصا في مشكلتك عارفه اذا كان مناسب ليكي كنت قولتك حاولي وحاولي مع أهلك لكن وضع حبيبك للاسف الشديد ياابنتي من كل ناحيه هو لا يستحق المحاوله فرق التعليم كبير بين السما والارض وعمله غير مستقر ماذا يضمنلك إذا رجع وأصبح عاطل وبعدين حب ايه انتي لسه في بدايه طريقك مش فاضيه للكلام دا دراستك صعبه وطويله هتبقي فاضيه ليه ولا لمستقبلك الاهم
من مجهول اتفقي معاه تخلصين دراستك وبعدها تسافرين له السعوديه بدون علم اهلك وتتزوجون هناك دكتوره طول بعرض ماتقدر تختار شريك حياتها وأهلها يفرضون وصايتهم عليها هذا عيب مجتمعاتنا العربيه المتخلفه والمشكله يسمون انفسهم مسلمين المرأه عندنا تختار تخصصها وكل شي في حياتها الا الزواج تكون قاصر ومحتاجه وصايه كأنها طفله اومختله عقليا بل فيه ناس هم اللي يختارون تخصص ابنائهم ومين يتزوجون ومتى يخلفون يعني نشئت عندنا اجيال مسلوبة الإراده الولد والبنت يتربون على ان ارادتهم في ايدي اهاليهم والصحيح انهم بمجرد بلوغهم ١٨ سنه يكونون مسئولين عن انفسهم أمام القانون
من مجهول إنتي بس وخداك مشاعرك البكر اتجاه ابن خالتك ورغبتك فيه كزوج وممكن هو فعلا يكون كويس وبيحبك لكن صدقيني الجواز حاجة تانية والحب بيتحول لعشرة مع الوقت واللهفة هترو ح وهتفضل حقيقة واحدة هي انكم مش هتكونوا متناسبين مع بعض عقليا واجتماعيا وهو مع الوقت هيرفض شغلك وهيحس بالنقص مع مقارنة الناس بينكم وهيقعدك من الشغل لانه هيبقى واخد كل وقتك والغيرة هتضرب فى قلبه لان مفيش راجل بيحب يحس تن مراته احسن منه ،ولازم تختاري لأولادك اب يشرفهم ومتعلم مش كل حاجة الحب والمشاعر فيه اعتبارات تانية لازم تاخديها فى الحسبان ،لو كان معاه شهادة كان الوضع هيبقى مختلف لكن كونه بدون شهادة ده هيخلق بينكم حاجز كبير ،ولكن تأكدي لو لكِ خير فيه وربنا كاتبهولك مفيش حد هيمنع جوازكم وربنا يكتب لك الخير
من مجهول والديك يريدان ان يفخرا بك بأنك طبيبه وتزوجت شخص ذو مقام وشهادة جامعيه ومنصب والخ... مع ان نيتهم حسنه الا انهم رد فعلهم سيء. وان بقيا على هذا الحال سيندمان وربما يأتي يوم يطلبون هم من ابن خالتك ان يتزوجك وذلك بعد الندم الشديد .التوافق في بعض المجالات مهم لانجاح الزواج لكن ليس في حالتك . فابن خالتك لم يرغب بك فجأه بعد ان علم انك قد تصبحين طبيبه . فهو يحبك قبل ذلك بكثير . ولذا اظن ان سعادتك مع هذا الشخص اكثر من غيره . ارى ان تتركي امرك لله .. وان تكثري من الدعاء ان يلين الله قلوب والديك ان كان في هذا الشاب خير لك . سبحان الله كم من قلوب رقت بسبب ركعات ودعاء في جوف الليل . وكم من قلوب لانت بسبب قراءة القران وختمه في أيام قليله . وكم من قلوب اصبحت رقيقه لينه هينه بفعل الصدقات !! اذن القلوب بين يدي الله يقلبها كيفما يشاء ومتى يشاء لكن نحن علينا الاخذ بالاسباب . لذا ارى حاليا ان تتركي امرك كله لله .وان تتركي الامر كله لله فاجعلي الله يختار لك. انت فقط عليك بالبحث عن رضا الله ما استطعت. تقربي اليه بالطاعات واكثري من الدعاء وسلمي امرك لله .. ومن سلم أمره لله أعطاه فوق ما يتمنى . سلمي وتوكلي. وكوني على يقين ان الخير كله في ما يختار الله . وفقك الله يا غاليه
- 0
- اعجبني
- .
- اضف رد
- .
- عرض الردود
- .
- 20-11-2025
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات قضايا اجتماعية
احدث اسئلة قضايا اجتماعية
اسئلة من بلدك
احجز استشارة اونلاين
