كيف اصبح انسانة اجتماعية مثل جارتي؟

السلام عليكم، ممكن تعطوني حل ل حياتي، مشكلتي اني من وانا صغيره مش اجتماعيه وما عندي أصدقاء، وازا اصبح لدي صديقه واحده بتستغلني وبتطلع اسزء اشي فيني وبتتركني، المهم كبرت وانا ما عندي حياة اجتماعيه صرلي اربع سنوات متزوجه ما حد فات باب بيتي ولا عمرو رن جرس باب البيت الا زوجي يكون الي ع الباب، المهم رحلت غ بيت جديد واتعرفت ع جاره بنفس عمري، وصرنا نزور بعض، وصارت تحكي عن رفيقتها بالسوء وانا انقهرت انو هاد صاحبتك ع اي اساس بتحكي عنها وبتنمي عليها، وما خبرتها وقطعتها وبطلت اسال عنها، المهم بتابع جارتي بلاقي ابناس رايحه جاي عليها زيارات!؟ يعني بتعرف كيف تكسب الناس! ونفسي اصير متل هيك! بس مش عارفه ازا النميمه هي السبب بحب الناس لها ولا لا،، ولدي صديقه قديمه ايام كليتي، كان اي حد يعرفها يحبها ويتعلق فيها ويجبلها هدايا ويحب يزورها بالبيت حاولت اتعلم بس ما عرفت كيف! رح اخبركم شغلات لاحظتها عندها كانت تعملها، كانت تعزمني ع الغدا وتضيفني ضيافه حلوة، كان كلامها حلو وبيشد الواحد ولما اتزوجت جابتلي بيجاما ونقطتني عشر دنانير، مع اني قلدتها بس حسيت لمة اعطي حد اشي يستغرب او انو ما يرجع يتعامل معي ؟ ! نفسي اعمل جمعات وقعدات واكون صديقات ةنشرب قهوة ونسولف بس ما بعرف كيف!! ؟ ما تحكولي انو اريح ل راسك وبترتاحي من المشاكل! ربنا سبحانه وتعالى قال*وجعلنكم شعوبا وقبائل ل تعارفو**يعني لازم هاد الاشي يكون موجود بحياتنا لانو كمان ولادنا بتعلمو منا هيك شغلات، وما بدي اولادي يكبرو ويلاحظو انو ما حد بيزورنا حتى اقرب الناس النا بحكم انهم مش اجتماعين!!وتنتقل هاد الشغله الهم! ؟امانه خبرةني كيف اخلي بيتي عامر؟! خبروني وساعدونب"