كيف اساعد أختي العروس في التخلص من وزنها الزائد؟

اختى فرحها كمان شهر ونص بس للاسف هى عندها زيادة فى الوزن حاليا حوالى ١٥ كيلو ولانها قصيره باين اوى زيادة الوزن هى معندهاش اى ارادة للدايت او للرياضه حتى كنت قبل كدا خليتها تعمل دايت وخست ٧ كيلو والناس مرحومناش بقى كلام كل اللى حولينا ان ازاى انا اللى خليتها تعمل الدايت وقد ايه كنت مسؤله بيها فى كل حاجة على الرغم من انا الصغيره كنت بجهز ليها الاكل والوجبات وانظم موعدهم دلوقتى بقت رافضه ان اعملها دايت وفى نفس الوقت رافضه رفض قاطع انها تروح لدكتور او تروح جيم هى ممكن ترقص شوية فى اوضتها مش اكتر هى دلوقتى نفسيتها مدمرة عشان كل ما نروح نشترى هدوم والهدوم تكون جميله لما تلبسها يبان زيادة وزنها تدايق ونروح من غير ما تشترى حاجة خطيبها بيقولها انتى جميله فى كل حالاتك وانا لما حبيتك فى الجامعه حبيتك بكل عيوبك ومميزاتك بلاش تدايقى نفسك وزنك حلو بس حافظى عليه عشان خاطرى ولو عايزة تنزلى زى ما تحبى انا عايزة اساعدها بس هى معدتش بتحب حد يتكلم فى موضوت زيادة الوزن نهائى معاها بالاخص ان كلام الناس عقدها من كتر مقارنتنا ببعض ويقولوا شوفوا اختها جسمها حلو ازاى وعودها فرنساوى انا وزنى مثالى معنديش رفع زايد زى الغرب ولا زيادة فى الوزن انا عندى استعداد اعمل المستحيل عشان تبقى مبسوطه هى لسه رافضه انها تختار فستان فرحها وبتقول مش مهم مش هيفرق معايا كان حلو او وحش كدا كدا هيبان وزنى فيه هى بتحبنى جدا وعمرها ما ادايقت من ان الناس بيشكروا فيا هى بس بتدايق ان الناس عقدوها من وزنها انا اخترت الفستان واتفقت مع مصمم مشهور فى مصر انه يصممه ليا الناس فضلوا يقولوا شايفين قد ايه الوزن حلو نعمه وان بيسهلنا كل حاجة فى حياتنا ازاى اقدر اساعدها فى الوقت اللى هى رافضه اى مساعده من اى حد بخصوص وزنها