ما الحل مع عدوانية ابني؟

اكتب اليكم بعد نفذت كل حيلي انا مش هاتكلم عن مشاكل زوجية انا طالبه اراءكم بخصوص ابني الكبير البالغ من العمر ٨ سنوات هو ولد ذكي و متفوق دراسيا ولا ينقصة اي شئ انا ووالده نعمل علي اسعادهم وتحقيق مناخ صحي بقدر الامكان وكل طالبتهم مجابة فحدود الامكانيات وحب ورعاية مش بس ماديات لكن منذ فترة اصبح سلوكة مائل للعدوانية والعصبية واصبح يتطاول علي من حوله فاي مكان حتي نحن واصبح يجلب المشاكل لنفسة من جميع زملاء المدرسة والمدرسات اتكلمنا معاه كتير بالذوق والشدة واستخدمت وسائل عقاب كثيرة ولم يتراجع عن تصرفاته وصلنا معاه للضرب ايضا برضوا دون جدوي مش عارفة اعمل معاه ايه تاني ومافيش اي تفرقة فالمعاملة مابين اولادي كلهم سواء  وتناقشت معاه كتير انا وباباه عشان لو في شئ مزعله او مضايقة وبيقول مافيش وحاضر هالتزم واسمع الكلام وهارجع مؤدب لكن سرعان مايبخر الكلام ويعود لنفس الاسلوب كان شيئا لم يكن  نفسيتي تعبانه جدااااا بسبب التغيير اللي بقي فيه.ارجوكم لا تبخلوا عليا بنصائحكم