احترامي لزوجي منعني من معاودة الاتصال بهذا الشخص

انا امرأة متزوجه والحمد لله عندي طفله وزوج كويس جدا بس المشكله فيا انا انا كنت بحب شخص زمان حب وصل للجنون واعتقد انه في يوم من الايام حبني وبدا يرجعلي وسواس الحب دا تاني بعد انقطاع علاقتي بيه لسنوات طويله بعد ذلك وجدت نفسي ابحث عن رقم تليفونه او حسابه علي الفيسبوك او اني اوصله باي طريقه وكان شعور لا ارادي مني اني لازم اكلمه وفعلا دا حصل وكلمته علي التليفون لكن زوجته ردت عليا فطبعا اخفيت شخصيتي واضطريت اني اكدب واقول ان النمره غلط المشكله دلوقتي اني كل يوم بدخل علي حسابه واتفرج علي صوره ..بعيدا عن اي حاجه هو في احساس غريب جوايا اني عاوزه اوصله واسمع صوته واطمن عليه المشكله الاحساس دا بقي عني زي الوسواس وديما بستغفر ربنا وادعي انه يبعده عني الاحساس بالرغبه الشديده اني اوصل للشخص دا وخوفي من ربنا اولا واحترامي لزوجي خلاني ماكررش محاولة الاتصال بالشخص دا مره تانيه وحسيت بالارتياح جزئيا بعد مازوجة الانسان دا ردت عليا وقلت ربنا بيبعدني برحمته لكن للاسف كل ثانيه وكل لحظه الاحساس دا معايا مش بيفارقني لكن انا نفسيتي تعبت بجد ونفسي انساه ومش عاوزه افقد احترامي لنفسي اولا ولزوجي ثانيا وقبل كل دا خوفي من ربنا وبقاوم كل ثانيه الشعور دا لكن انا فقدت التركيز في اي حاجه بعملها والسبب الموضوع دا ..نفسي حد متخصص يرد عليا والمفروض اني اعمل ايه علشان ارتاح...شكرا