السلام عليكم 

أنا في بمشكلة واحتاج مساعدة، زوجي كان رجل أعمال له شركته الخاصه وشغله ممتاز، والفلوس ماكنت مشكلة بالنسبة لنا ، سافرنا  بالإجازات ورحنا أوروبا وشرق آسيا وأمريكا ودول عربية ، وفي ليلة نحيسه أعلن زوجي إفلاسه وبعنا أشياء كثيرة عشان نسدد ديونه، حتى الفيلا بعناها واشترينا شقّة صغيرة في الرياض، وسفّرنا الخادمة.

الحين العيال( 14 سنة/ 10 سنين/ 7 سنوات) متأثرين مره وتحطّمت نفسياتهم، تعوّدو إن كل طلباتهم أوامر، تغيّرت مدارسهم، وتغيّروا اصحابهم، وتغيّر نظام حياتهم، وتعوّدو على تقضية الإجازات خارج السعودية،  تكلمت معاهم وحاولت اشرح لهم الموقف ولازم يقدرون ويوقفون مع ابوهم لكن مافيه فايده! وصاروا يقولون مانحب ابوهم. 

ما أدري شلون أتصرّف معهم؟ شلون أخلّيهم يتقبّلو الواقع؟ أترجاكم تساعدوني لأنّي أبي ارتااااح