التعليم هو المنجي الوحيد لي بعد طلاقي

انا تعبانه تعب انا حتي عاجزه عن وصفه مش التعب مش انا مين ولافين ولا ليه طول الوقت جوايا صراعات وموت مش عارفه اهرب منه ولا اعبش حياتي عادي اقل الاشياء بفكر فيها وبيحدث داخلي صراعات بسببها ببقي موهمومه ان الصراعات دي كلها علشان الحاجات التافهه دي بفكر طول الوقت في الناس واصحابي وزعلهم واجي علي نفسي لمجرد بس انهم مايقولوش عني ازاي يطلع منها كده ازاي تبفي كده وببقي خايفه علي صورتي قدامهم قوي خاصة صحابي مش عارفه ليه انا بقيت كده مش عارفه علشان اللي مريت به ولا ايه ولا ايه انا مش عارفه انا  سني 24سنه مطلقه بسبب ان اهلي زوجوني بدري وانا في ثانويه عامه لواحد مش متعلم لمجرد الفلوس وبعد الزواج رفض اني اكمل وطبعا ده كان بالنسبالي صدمه لان التعليم هو كل شئ في حياتي وانا متفوقه فيه جدا وانا لاني شوفت ان التعليم هو المنجي الوحيد ليا في الدنيا دي وان اي حد مايضمنش أصريت علي تعليمي واني اكمل وانا تعبانه جدا من حاجات كتير ومش عارفه اعمل ايه ولا عارفه اذا كنت اصلا اتكلمت في اللي تعبني ولا لأ مش انا مين انا كل اللي عايزاه اني اجيب حد تاني جوايا غيري انا