أشعر بالنقص أمام الناس بسبب مظهري، فما الحل؟

انا مشكلتي انه وأيد تقول الناس عني حلوه بس انا من لمه اشوف المرايه او أتصور او حتى أحط ميك اب او حتى بندون ميك اب .. احس نفسي مب حلوه ابدا لدرجه صرت استحي اطلع اشوف العالم او اذا بطلع مكان أغطي وجهي لانه ما اقدر اشوف الناس تطلع علي احس في شي غلط عشانً جي يطلعون ... و المشكله انه هاي الشيً عندي من انا و صغيره .. دايما احس فيني نقص حتى لو كنت قاعده مع ناس أسوأ مني .. دايما اشوف الناس المشهوره و صديقاتي كلهم جميلات و المشكلهًً اني اشوف كل البنات جميلات جدا بس انا ما اقدر اشوف نفسي جي ابدا ... اطلع مع البنات احس في شي غلط فيني ... كل يوم أتمنى يكون عندي فلوس عشانً اروح أسوي تجميل .. لانه رحت عند أطباء نفسيه وأيد و الكل قال صعب ألمساعده احس لو أسوي تجميل بطلع مثل باقي البنات حلوه ... اوك اهل أبوي يعني كانو يعيبون علي يعني على شعري لانو كان مجعد و ذقني لانه مرسوم و مروس و على طولي لأني طويله .. من لمه كبرت استحي اطلع لأني طويله ما اقدر افتح شعري لانه مجعد و الكل بضحك عليه ما اقدر اطلع وجهي لانه الكل بيضحك علي وجهي ... ربي يعرف انه انا ما اقصد اًتكبر على الخلقه اللى انا فيها ... بس انا صج تعبت مافي حد يفهمني بهاي الدنيا اهلي يفكرون انا مجنونه بس انا متعقده يعني حتى شخصيتي زباله وأيد ضعيفه !! ما اقدر أدر على احد ما اقدر أسوي شي لنفسي حتى ما اقدر افتح موضوع مع الشخص اللى معاي أتم طول الوقت ساكته لين صار ما عندي ولا رفيقه يمكن لانه انا مب نفس المستوى يعنيً في الحاله الماديه بس شسوي يالله ما اقدر أغير شي ... انقهر من لمه اشوف بنت عندها صديقه تحبها انا دايما أتمنى يكون عندي صديقه تفهمني و تخاف عليه متل و كأنها اختي مو تبيعني عشانً اي شي في الكون !! أسفه اني طولت عليكم بس أمس كان عيدميلادي و تخيلو انا شريت الكيك حقي !! بدل ما أتفاجأ تخيلو الكل كان يعاملني معاملة الخدامه ، ادري أشدخل كل هاي في بعضه بس انا ما عندي حد يسمع لي :) و الحمدلله على كل شي ... المشكلهًً اهلي يرقعون السلفه الحين يعني بعد ما تعقت من شعريً و طويلي و وجهي و كل شي فيني ... انه انا غلطانه في حقي ... ما ادري من اي ناحيه صراحه بس انا ما اقدر أتقبل نفسي ابدا اقرف من نفسي و خاصه من شخصيتي ... أكذب و أقول حق نفسي انا اوك بس احس في الكذب يعني اكذب على نفسي طول الوقت الصراحه ما عندي جرئه اكشخ او سوي شي حق نفسي ... احس على الفاضي و احس هاي مب انا صراحه اول مره اًكتب على موقع جي و اول مره ابكي و اكتب كل اللى في خاطري .. حتى في بعد بس خلاص أتمنى حد يساعدني