كيف أخرج من عالم الخيال إلى عالم الواقع؟

السلام عليكم ورحمة الله وبركاته اللهم صلي وسلم على سيدنا محمد بدي اطرح مشكلتي وان شاءالله بلاقي حل مشكلتي اني كتير بسرح بخيالي كتير وبعيش مع الخيال بكل تفاصيل لدرجه اني بتخيل الشخص مقابيلي وبحكي معو وبضحك وكانو حقيقي حاولت كتير اتخلص من هي الشغله بس ماعم بقدر لانو وقت بدخل بعالم خيالي احيانا بضل ساعات مشغوله بالخيال حاولت انا وعم اتخيل ققطع الخيال والتهي بشي تاني بس عقلي الباطن بضل يحكي يحكي لازم خلص القصه يلي عم عيشا لحتى اطلع من الخيال للواقع يلي عم عيشو بعرف انو هالحكي جنان بس انا والله ماني مجنونه بس يمكن من الوحده بقضي لحالي ساعات طويلة بتسلى بخيالي ممكن ققطع خيالي وقت يكون حدى معي مابقدر انسجم مع خيالي وفي شخص جمبي هي العاده معي من انا وصغيره كنت اتخيل وعيش مع خيالي...واحيانا اذا كان الموقع عاطفي بحس فيه بلمسني بس صار الوضع معي كتير متأزم كتير بسرح واذا كنت باجتماع مع الاصحاب او دوره تعليميه بسرح شوي بنسى شو كان عم يحكو واذا سئلوني سؤال مابعرف شو جاوب اذا حكولي شي قصه وبدي احكيا لحدا تاني بنسى القصه كلا مابعرف ليش هيك شو اعمل لحتى اتخلص من هالشي يلي فيني