صورة علم Jordan
من مجهول
منذ 7 شهور 19 إجابات
0 0 0 0

كيف أرضى بالقليل وأتكيف مع وضعي السيء؟

بكتب لكم وانا في قمة حزني ، انا حاسه بظلم كبير وانو حياتي راحت خساره لا تجرحوني بالحكي انا بنت انحرمت من كل شي بحياتي كنت دايما البنت الشرشوحه بالمدرسه وبعدها بالجامعه وهلا صار عمري ،32 سنه ولحد الان بتذكر طفولتي ومراهقتي وجامعتي وكل لحظه اسى وجوع وتعب وهم ونكد مرت بحياتي ما بنسى شي ، انا تعبانه كثير ونفسي انام واعيش حياتي بدون ما اتحسر ، بزعل كثير بس شوف بنات بسني واكبر مني بكامل الانوثه والاناقه وانا ما عندي اجيب ارخص كريم لوجهي التعبان وكانو عمري 50 هالات سودا ووجه باهت وهم واضح على وجهي ، انا تحملت الايام وكبرت وما قصدي اني اعترض على قسمت ربي ، انا عارفه رح يعوضني بس في حسره كبيره بقلبي مش قادره اتخطاها وانا اشوف شكلي بالمرايه لو كان معي كان ممكن يكون شكلي احلى كان ممكن ابين اصغر من عمري ، وبس شوف خزانتي بنقهر من الشراشيح يلي عندي بطلت حب اطلع وصرت انطوائيه لاني بسمع تعليقات على لبسي ، الله هيك قسم رزقتي شو ذنبي لاسمع هالتجريح ، نفسي اضحك ما بقدر حتى لو مجامله او كذب ما بقدر لانو اسناني واقعه ما بقدر صلحها . بدي تعطوني نصايح كيف اتكيف مع وضعي؟ كيف انام بدون ما ابكي؟ كيف ما اضل حاسه بظلم ؟ نفسي اعيش بنفس ما بقدر .. فضلا بدون تجريح بدي نصائح تخلي نفسيتي احسن تخليني اعيش وكاني ملكه وعندي كل شي ، وما اهتم للبنات يلي حواليي لشكهلم للبسهم انا ما بحسد بس حزنت لانو ما عندي شي نهائي . تعبت من جلد نفسي . لا تحكولي اشتغلي ما بقدر لو بقدر كان انحلت مشكلتي ، قصدي من كتابتي انو بدي ما اضل طول حياتي اتحسر على نفسي ، نفسيا وداخليا كيف اقوى حالي ، كيف ازيد قناعه ورضا . وشكرا لكم مقدما