صورة علم United Arab Emirates
من مجهول
منذ 23 يوم 17 إجابات
0 0 0 0

عصبية ومشاعري متبلدة تجاه جميع من حولي

بتمنى من كل حد مختص موجود بهالصفحه يساعدني وبيحكيلي شو اعمل انا شخصيتي مع عارفه اقيمها هي حساسه ولا قلقه ولا مضطربه... كل ما ادور ع حل ما بعرف شو انا... انا متأكده انو عندي مشاكل لانو في كتير أمور نفسي اعملها بحياتي بس مش عارفه اتخطا مشاعر الخوف الي فيني.... يعني انا كنت انضرب من اهلي ع كل غلط سواء صغير أو كبير... واكل كفوف بشكل كبيير سواء ع غلط او سوء فهم او يمكن غلط صدر مني بس ما


كان يستاهل انضرب واكل كفوف او تتمزيع شعر.... طبعا انا كنت بالمدرسه ما بين الصف الرابع للصف التاسع وماما تدرسني وانا بعترف كان عندي، استيعاب بطيء يعني هي تقعد ساعه تدرسني وما اكون فاهمه او مش قادره احفظ الدرس.. ويا ربي اكل قتل بالهبل انو ليش انا تيسه،،، والمشكله قدام كل خواتي واخواني هاد الحكي يصير انا الوحيده الي كنت تيسه بالمدرسه كان معدلي لا يتعدى الستين من ١٠٠ بس انا جد هاد كانت قدره استيعابي.. اقسم بالله بتذكر مره ما عرفت انام لانو امي الله يسامحها رمت علي كرسي حديد كان من ايام زمان عنا.. علي وما عرفت انا منو والله... وكانت لما تحفظني اشي تقعد ساعتين وتيجي اختي الكبيره تضحك انو ما اغباك ليش لهسا مو حافظه مش مستاهله كل هالتياسه... وانا ظوللل فتره دراستي أهمل فتره الاختبارات لانو متأكده فيها قتل وضرب بالهبل.... كبرت وصار عمري ١٧ سنه صرت ادرس بحالي طبعا انا اخترت هاد الشي ت افتك من الضرب... وصرت اصرخ ع اي حد بيعتدي علي سواء، بالكلام او الضرب... واقاوم بصوتي العالي... صار عندي انفجار بالمشاعر يعني لو حد يحكيلي اي كلمه ما تعجبني ارد بصراخ وبعد الصراخ ازا الشخص ضل قدامي بعتدي عليه بالضرب... كبرت واعتزلت الناس والناس اعتزلتني لانو اصلا ما حد طايقني ولا انا طايقه حدا... اتزوجت ويا ريتني ما اتزوجت صرت اصرخ ع زوجي واولادي... وما عندي قدره تحمل لأي شي... يعني ما عندي نقاش بيني وبين زوجي يا كلمتي بتمشي يا بضربة اقسم بالله اني ضربتو كتير وهو اصلا ما معاه يطلقني عشان هيك مخليني عنده... واولادي صارو يروحو عند ابوهم لاني بعصب بسرعه وع اي غلط... انا ما بحط الحق ولا ع حدا... لانو اهلي مسحتهم من حياتي ما عندي اي مشاعر حب الهم لانو اساسا ما عندي ذكريات حلوه معهم كلها أسوأ من بعض... نفسي الاقي حل وما اعصب ولا اضرب وازا حدا استفزني او حتى حكالي كلام او نقاش ما عجبني امسك حالي... واولادي اقسم بالله بدهم يعيشو  حياه طبيعيه يغلطو وما حدا يهجم عليهم زي المتوحش متلي انا... يا رب تسامحني.. يا رب قلبي حاسه جعان للحب او اشي انا مو عارفتو حاسه انو مو قادره اتحمل حالي كيف الناس امانه شو اعمل... ما بقدر اروح ع دكتور نفسي...

أضف إجابتك

صورة علم United States
السؤال التالي