بعد عذابي مع زوجي لا أثق برجل

قضايا نفسية
animate

انا امراة عندى ٢٣سنة تزوجت لمدة شهر واحد وانفصلت عن زوجى بعد العذاب اللى شوفته منه خلال شهر واحد خيانة عبر الهاتف وبرود وحبس وضرب وتعذيب ولا مبالاه من اللى بيعمله ضربنى مرتين وسكت ما اشتكتش منه لحد وحاولت اتكلم معاه واقوله ان تصرفه غير مقبول ،فقالى خلاص مش هكرر ده تانى ولكن بدون جدوى كل نقاش نختلف فيه يقوم يضربنى ويسحلنى ويرمينى فى الارض ويقف عليا ده غير الشتايم والضرب ، اللى محيرنى انه ماكنش كدة فى الخطوبة خالص ودايما يقولى انه هيبقى حنين جدا معايا .المهم اتطلقنا بعد عذاب وبعد ما فاض بيا وحكيت لاهلى عن الاهانة والضرب فطلقونا علطول بالذات بعد ما شافو جسمى المشوه من اثار الضرب والورم اللى فى رجلى وذراعاتى من ضربه. الحمد لله انى مش عندى منه اطفال .المشكلة انى حاسة انى اتعقدت من الرجالة كلها حاسة ان كلهم كدابين وممثلين .مشكلتى دلوقتى انا بقالى شهرين مطلقة منه ومتقدملى دلوقتى واحد عن طريق اخته انا معرفهوش هى بتقولى انه طيب ومتدين وكويس وعايز واحدة جميلة ومحترمة زيك كدة، بس هو مش عنده شقة ومش عنده وظيفة ثابتة كويسة وحكومية مثلا ،بتقولى فى شقة فى مكان عشوائى بتاعة ابوهم ،هو ميت وامه عايشة فى الشقة ، انا موظفة فى وظيفة كبيرة حكومية ،عندى دخل كويس وثابت والحمد لله ،وهو على كلامها ده انه اقل منى فى المستوى الاجتماعى والمادى ،ويكبرنى ب٦سنوات ،بابا وماما مش موافقين عليه عشان حاسين انه مالوش شقة لوحده وعلشان هو عايش فى عشوائيات ومستواه المادى والاجتماعى اقل مننا ، اما رايى انا انا خايفة ومتعقدة من كل الرجالة وخايفة من تجربةفاشلة تانى مش هستحمل ، فخلاص انا قولت لاخته انى مش بفكر فى الارتباط دلوقتى خالص ، بس هى بتلح عليا وتقولى فكرى تانى.مش عارفة اعمل ايه .انصحونى ..وهل ممكن احب واتجوز تانى ،طيب هل ينفع اتجوزه وهو اقل منى اجتماعيا وماديا، ولا هيبقى حاسس دايما بنقص ،علما ان زوجى الاول كان بيحس بنقص عشان كان اقل منى فى المستوى التعليمى.ارجو النصيحة وشكرا لكم يا اخواتى...

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الخبيرة النفسية د.سراء فاضل الأنصاري لا تتسرعي ،،لا تتسرعي لديك مزيد من الوقت في النضوج والاختيار السليم ،، ما وصفت به زوجك هومرض ولايجوز التعميم اياك والتعميم يعني انت جربت رجل واحد وتعممي على ملايين الرجال ، تحتاجي اولا الى فترة نقاهة ولا تجعلي صديقتك واخوها يستغلوا ضعفك هذه الفترة والحاحها الان لانها تعلم انك عندما تتعافين سترفضي. خذي الرجل الذي يناسبك من الناحية الاخلاقية والمادية والاجتماعية والثقافية والا فالنتظار افضل ولا تكرري نفس الخطا اعط المجال لنفسك في الشفاء والتفكر في المشكلة على الاقل ستة اشهر وحددي انت ماذا تريدين في زوج المستقبل وعلى ضوءه اختاري
  • صورة علم
    صورة علم
    من مجهول
    ما تجعلى طلاقك من زوجك الاول تعملك عقد من الرجال فاذا كان هو سىء فليس بالضرورة ان يكون كل الرجال مثله اطردى هذه الفكرة من راسك وانتظرى الزواج من شخص اللى بيستاهلك
  • animate

  • صورة علم
    صورة علم
    من مجهول
    خذوهم فقراء يغنيكم الله توكلى على الله واقبلى الزواج منه اذا كان شاب حسن الاخلاق والمنشا وما تخافى ربنا ما بينسى حد
  • صورة علم
    صورة علم
    من مجهول
    ما تتزوجى الا لشخص المناسب وما تكررى خطاك الاول مع زوجك السابق فالتوافق بين الزوجبن من اهم الاشياء التى ينبغى ان تكون متواجدة لاستمرار اى زواج ناجح

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟