اشعر أني دفنت نفسي بزواجي

add_commentأضف إجابتك

thumb_downلم يعجبني0

مرحبا الحقيقه انا متردده بطرح موضوعي لاني اصلا حاسه اني مشاعري متضاربه مره بكون متدايقه وببكي ومره بقول لحالي الموضوع مو مستاهل كل هالزعل بس بدي ابدا من مشاعري الي بحس فيها لما اكون مندايقه بحس اني بإختصار كرهانه حالي واني انا ما بستحق شي بالحياه لا منيح ولا عاطل! ما بستاهل اني انبسط ولا اني ارتاح ولا حتى ازعل ما بستاهل يكون وضعي احسن من هيك انا بعيش بدون احلام بدون طموح دفنت حالي وتزوجت وصار عندي صغار وانا مو عامله لنفسي شي مشت الايام وهلا بس اطلع عحالي بحس اني صفر عالشمال وما بسوى شي معي شهاده جامعيه وهي وقلتها واحد ما عملت فيها شي ولا رح اعمل في ستات بعرفهم من سنين كنت لما اشوفهم اقول لحالي كيف في ناس هيك؟؟! هلا بعد سنين شفتهم غير طوروا من نفسهم واشتغلوا عحالهم وانا لساتني متل ما انامن لما تخرجت من الجامعه حتى امي قالتلي اياها اني حياتي على مبدأ مكانك سر حتى ادا قررت اشكيلها شي من مشاعري هي او خواتي وهم كلهم موظفات وناجحات في عملهم ما بيعلقوا ولا بكلمه بحس انو كلامي تقيل عليهم وكانهم بيقولولي انهم مو مظطرين يسمعوني وبندم اني حاولت احكي وزوجي ادا فضفضتلو بشي اما بيسكتني وبيطلعني غلط او بيداريني وتاني يوم كاني ما حكيتله شي انا عايشه بعزله اجباريه نفسي يطلعلي يومين بالأسبوع اطلع من البيت انا ما الي مكان اروح عليه ولا ناس ولا صاحبات وادا يضطر اطلع ساعه بتنحسب علي بالدقيقه لانو عندي صغار وما في لا حد احطو عندهم ولا حد يتحملهم حتى ابوهم دايما معجوق وعاجقني معو وادا بدو يطششنا ويغير جونا بيودينا عند اهلو نص ساعه او بيرميناا عند اهلي يوم كامل بنزهق حالنا لان عند اهلي القعده ممله وكئيبه وكل ما اقترح عليه مكان جديد نروح عليه مكان يكون فيه فائده ومتعه بيطلعلو مية شغله وشغله انا ما برمي اللوم كلو على زوجي انا هلا صرت اخاف يصير باطفالي متل ما صاير فيي واصلا الا يصير ولو بجزء لانهم بيستمدوا الحياه من امهم وانا مو قادره لان فاقد الشيء لا يعطيه حتى الي حوالي من الي ما بيحبوني بيحسسوني اني ما بستاهل شي خاصه ادا زوجي جاب شي للبيت او عمل شي للبيت او الي او لاولاده مهما كان هالشي تافه وصغير بس كرههم الي بيكبر كل شي بيعرفوه عني انا اسفه على هالحكي بس ما عندي حد احكيله حتى انتم مو مضطرين تسمعوني او تقرؤوا كلامي بس شكرا على فرصة الفضفضه هاي
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • الخبيرة النفسية سراء الأنصاري
    الخبيرة النفسية سراء الأنصاري verified_userكنت احب ان اسمع انني استحق حياة افضل من هذه ،، او انا دارسة وجامعية وقد نجحت من الدور الاول واستحق ان يقدر الناس شهادتي وتعبي ،،، اذا كنت انت تقللي من شانك همذا فلاتلومي الناس من حولك اذا نظروا اليك نفس النظرة،،، اختي نحن من نعكس نظرات الناس لنا اذا راينا انفسنا مهمين ونستحق سيرانا الناس هكذا،، لا احب ان تقللي من شانك ابدا امظري للموضوع بنظرة اخرى اولا انت جامعية ثانية انت ام والحمد لله ثالثا لديك اهل يستمعون لك وانت ربة بيت والتي تعادل عشرات الاعمال والتي يجب ان تعتزي بها فالفخر ليس بالعمل والوظيفة الفخر بان تكوني قريبة من اطفالك وتراعي نفسياتهم وتوفري اجواء حلوة لك ولزوجك ،، ثم لماذا نحن غير مضطرين للاستماع والرد بالعكس قولي ارجو الرد سريعا وانتظر منكم الاهتمام،،، غيري طريقة تفكيرك وسوف تتغير امور اخرى ،،، اكتبي لنا باستمرار ونحن من واجبنا ان نرد عليك ونبصرك اين الخطا
animate
  • صورة علم
    صورة علم
    مجهول
    حالك حال كل متزوجة يعني انا زوجي مشغول طوال اليوم بعمله و لما يرجع للبيت بيكون تعبان و بيرفض الطلعة لكن انا اخلق جو من السعادة في البيت بعمل اكل بيحبه زوجي و اطفالي و بنحضر برامج او افلام مع بعضنا يعني بكسر روتين البيت بالمقومات الموجودة عندي
  • صورة علم
    صورة علم
    مجهول
    أنت اعطيتي الموضوع أكبر من حجمه يعني بما انه شعرتي انه حياتك مملة كان المفروض تبحثي عن طرق لتشغلي وقت فراغ فيها سواء القراءة او البحث عن عمل يناسب وضعك او حتى التعلم عن طريق الانترنت لكن انت استسلمتي للفشل
صورة علم United States
أضف إجابتك على السؤال هنا