أفكر بالانتحار والسبب وراء ذلك حياتي

لقيت الصفحه بالصدفه وما بعرف كيف بالعادة يحكوا هون ، بس انا حد حزين كثير اغنيه بلحن سعيد ممكن تبكيني كثير مسكره بوجهي من ناحية دراسية انا حد راسب بالثانوية العامه بسبب مادة وحده ضليت اعيدها بس ما قدرت انجح لهيك انا حد قاعد بغرفته طول الوقت متعلق بأصحاب مدرسة كثير عندي صاحبه كثر تعلقي فيها صرت اغار وانقهر واكتئب و ادخل بحالات نفسيه.كثير صعبه وابكي كثير بس اشوفها مع صاحبيتها المفضله بالجامعه كثير تخبطات بعيشها وماني عارفه كيف اطلع من الوضع هاد فكرت ادخل كلية بس اهلي رافضين الكليه بدهم انجح و ادخل جامعه ف مافيني اتصرف تصرف اتجاه دراستي يومي مبني على اصحابي اصحابي بس ثلاث ثنتين جامعه وحده مثلي ما كملت ، نومي كثير مخربط والاحلامي كثير سيئة بضل احلم بصاحبتي وصاحبتها بصحى خايفه واحيانا بصحى ابكي لما اتذكر كيف كنت انا وياها وكيف صرنا مشاكل وغيره والخ ببكي هي صاحبتي من سبع سنين من بديت اتفتح ع الحياة كانت معها هي حرفيا حد نضجت معه وعشت معه ف ماني قادره اتحمل فكرة تصاحب حده ، كثير بخاف يصيرلها صاحب اكثر مني براقب كل شغله الها وبس اشوفلها صوره مع صاحبتها بحس بضيق كبيره يمكن تحكوا لان حياتي فارغه وما عندي غيرها بس لا هاد الوضع كان من ايام المدرسه بس كان ع اخف لاننا كنا سوى حزينه عطول وكئيبه وزني كان 67 ونزلت ل62 باقل من شهر من كثر زعل وتفكير نومي مو متواصل بنام خمس ساعات وبصحى فوق العشر مرات قلقي كثير وتفكير مفرط زايد ، انا بدي حل ، انا كنت شخص سعيد جدا بحسني بغرق كثيير ومافي حد يسمعني حتى وما فيني اتصرف اي تصرف ، فكرت كثير اروح لطبيب نفسي لان الحاله هي من سنه ونص بس لما احكي لااهلي بتعاملو مع كلامي بسخافه وما بهتموا واصلا لو سألو مافيني احكيلهم حاولت ابحث عن دكاتره نفسيين اقدر اتواصل معهم عن طريق رسائل بس محد فتح مسجي حتى ! حياتي سوده وايامي سودة ومستقبلي اسود ومافيني اتصرف اشي ، فكرت بالانتحار كثير بس انا حد مسلم مافيني ديني بمنعني احس بضيق وكئابة كبيرة حاولت اعالج نفسي عن طريق النت ما لقيت غير اني مصاب بالقطب ثنائي بس هاد مو تشخيص صح ، انا حد مرهق جدا.