أشتاق لشخصيتي الطيبة القنوعة التي غيرتها نفوس صديقاتي المتعجرفات

انا اتغيرت بسبب اللي حوليا وللاسف مش راضيه عن نفسى بعد ما اتغيرت بدون ارادتى انا طول عمرى عفوية وبطبيعتى عمرى ما تصنعت اسلوبى ولا كلامى انا من اسرة زى ما بيقول عليها فى مصر اسرة راقيه بس انا امى ربتنى ان انا مش احسن من حد وبدأت اتعامل على الاساس داه لغاية ما كبرت ودلوقتى فى اخر سنه فى طب والضغط زاد عليا من كل اللي حوليا مستغربين من طبيعتى وييقولوا عليا بيئه وازاى واحده زى دى تكون من اسرة كدا انا مش بيئه خالص زى ما بيقولوا انا ابسط مما تتخيلوا مش معنى ان ربنا كارم اهلى ان اتصرف تصرفات مش لطيفه وابقى مغرورة او اتصنع اسلوبى وكلامى كنت فى مرة مع واحده صاحبة صاحبتى وبتشترى هدوم وروحنا مول ودخلنا محل غالى اوفر البلوزة معدية الالف جنيه بصراحه انا شوفتها متستهلش لو سعرها غالى وقيمه معنديش مانع لما قولتلها كدا قالت عليا بخيله واستهزقت بيا واحرجتنى قدام ناس كتير اوى انا مش بخيله خالص انا بس شايفه ان ملوش داعى نشرتى حاجات ملهاش لازمه زى دى ونرجع ونقول كل واحد وحريته وكمان انا امى ربتنا ان نربط افعلانا وتصرفتنا بديننا وان احنا هنتحاسب على كل حاجة فى حياتنا حتى هنتحاسب على ان الفلوس دى كان اولى بيها ناس يستحقوا وانا الحمد لله مخصصه مبلغ من مصروفى كل شهر بدفعه فى الخير المهم انا فضلت متجاهله كل كلامهم حتى الكلام كان بيجى من صحابى المقربين عشان كنت نزلت فترة القرية عند جدتى واسلوب كلامى اتغير بسبب اختلاطى بالقرية وفضلوا يقللوا منى فى هيئه هزار بس كلامهم جرحنى لما زاد عن حده كنت بضحك معاهم عشان مبينش ان زعلت انا انخطبت لانسان كان معجب بيا فى ثانوى وانا بصراحه كنت ببادلة نفس الشعور انخطبنا وسألنى فى نرة هو انتى ليه مش زى اغلبية البنات وعمرى ما لاحظت انك بتحطى ميك اب داه انتى حتى فى خطوبتنا محطتيش ميك اب ولاحظت ان ولاد خالتى بردة وناس كتير انتقدونى ان محطتش ميك اب فى خطوبتى للعلم انا الحمد لله راضيه عن شكلى بس الكل كان بينتقدنى فى لبسى وشكلى وكلامى كل حاجة وبعدها روحت اشتريت ميك اب كان منتجات مصرية مش ماركات عالميه يعنى وبتتكلم فى قاعدة مع صحابى فيه واحده منهم باباها دكتور بس محسسانى انها ملهاش مثيل وكل تصرف منها متصنع بنتكلم عن الميك كلمه من هنا على كلمه من هنا عرفوا ان معايا ميك اب فى الشنطه شدت شنطتى وفتحتها وفضلت تضحك وتقولى هو فيه حد لسه بيجب الانواع دى وكمية سخرية منى مش طبيعبه وانا ببتسم راحوا صوروا الميك اب ونشروه على النت ويتريقوا عليا دى كانت نقطة تحول بعد صبر سنين وسنين عشان مكنتش عايزة ازعل حد رجعت فضلت اعيط وكلمت خطيبى اتخانقت معاه قولتله شكلة طريقتى مش عحبينك تقدر تسيبنى وتشوف واحده تانيه زى ما تتمنى وقفلت معاه اتقابلنا بعدها اعتذر منى انه كان زعلنى وقالى مكنتش اقصد ازعلك منى انا بحبك بكل حاجة فيكى وحكلته اللي عملوه فيا واللي كانوا بيعملوه كان مستغرب وقالى انتى ازاى تسكتى عليهم وتسيبيهم يقللوا منك قابلتهم بعدها فضلوا يتريقوا عليا قررت ارد لكل واحده منهم اللي عملته فيا لما بقيت اخرج معاهم مبقتش اتعامل بطبيعتى بقيت اتصنع كل تصرف وكل كلمه وبقيت اتعمد اهانهم زى ما كانوا بيعملوا روحت اشتريت ميك اب من مواقع الكترونيه بتبيع بالدولار منتجات عالميه اصليه وخليت البنت اللي باباها دكتور ماسكه روج بتاعها واستهزقت بيها لانه كان مش ماركه وكان نوعيه رديئه هى انحرجت جدا ساعتها بس حسيت براحه وانا بخليها تحس كل حاجة حسيتها مبقتش ارضى اخرج معاهم غير لو هنخرج فى ارقى الاماكن انا وكنت الاول لو مش معاهم فلوس كنت اقولهم كفاية نتقابل او تعالوا ناكل كشرى دلوقتى بقيت أعمالهم بالمثل بالنسبة لهدومى بقيت اشرتيها من افخم الاماكن كلها ماركات واستغنيت عن كل هدومى القديمه ومبقتش البسها واتعمدت اجرحهم بالكلام زى ما كانوا بيعملوا تصرفاتى الحالية غير راضبه عنها نهائى حتى ماما قالتلى تصرفاتك واسلوبك مش عاحبنى انا نفسى بنتى القديمة الطيبه ترجع تانى وخطيبى بيقولوا انا حبيتك بنت زمان ام قلب ابيض مش دى اللي شايفها دلوقتى انا كان حصلى زيادة رهيبه فى الوزن الايام اللي فاتت ومكناش عارفين السبب وكان ناس كتير بينتقدونى وفيه واحده سخرت من شكلى لغاية ما عيطت بسببها وصدفة بابا كلم دكتور كبير وشرحله حالتى عرفت ان كان عندى مشكله واتعالجت الحمد لله ورجعت تانى اخس البنت دى اتجوزت مع اول كام شهر زادت فى وزنها جامد روحت عاملت زى ما عملت فيا واتريقت على وزنها وشكلها وجوزها زى ما يكون صدق فضل ينتقدها يقول بقت زى الفيل واهانها انا بقيت كارهه نفسى بسبب تصرفاتى دى بقيت اعمل كدا زى ما اكون صدقت ان الفرصة جات ليا وهاخد حقى وحق كل مرة نمت معيطة بسببهم وبسبب كلامهم