مستقبلي ضاع بسبب عمتي وأمي وأبي

لكم ان تتخيلوا مستقبلي ضاع بسبب عمتي وامي وابوي قصتي وانا بأولى ثانوي كنت ادرس بمدرسه حكوميه وكنت مرتاحه فيها وكنت عند صحباتي وكانت علاقتي مع المعلمات حلوه وكنت احب المديره مو حب اعجاب وانما حبيتها ع اخلاقها وطيبتها بل اني كنت متخذتها قدوه لي المهم وانا بأولى ثانوي طاح مستواي وانا وراي نسبه فوصلت نسبتي لل٦٠ وللاسف ابوي كان يحطمني بل انه مره سألني قالي لو دخلتي الجامعه ايش نفسك تتخصصين قلت له قانون قالي مالك الا الدراسات الاسلاميه وقالي ياتتخصيين دراسات اسلاميه او مافي جامعه وكان كثير مايردد لي الايه في قوله تعالى (( وقرن في بيوتكن )) انا تحطمت وخلاص ايست اني بدخل جامعه ،، وانا بثاني ثانوي ابوي وامي راحو يدورون لي مدرسه خاصه واغلب المدارس ماقبلوني بسبب نسبتي ،، طبعاً عمتي كانت تحب معلمه حب مو طبيعي كانت تهدي لها واي شي تطلبه منها المعلمه تنفذه والمعلمه كانت معلمه بمدرسه خاصه وطبعاً عمتي لمن سمعت ان امي وابوي يدورون لي مدرسه خاصه ع طووول راحت توسطت لي في المدرسه اللي تدرس فيها حبيبتها وفعلا سوت اللي براسها ونقلتني طبعاً المدرسه المعلمات اللي فيها والله والذي نفسي بيده مافرقو شي عن الحكومي والبنات اغلبهم شايفين انفسهم ولا يطالعون فيني كنت اعاني بل ان مستواي طاح اسوأ من قبل وطلبت من ابوي يرجعني ورفض وبعدين وعدني ع السنه الجديده ينقلني وابدا بدايه صح وبدت السنه الجديده وانا الان سنه ثالث المهم وكلمت ابوي ع موضوع النقل ورفضض وقالي لو انك ذكيه نقلتك بس انك فاشله ماينفع لك الا الخاص وسرت اغيب واهمل وكرهت الدراسه والمعلمات سارو ينظرون لي نظرت استحقار ، قبل فتره معلمة الحاسب تضحك البنات علي وقبل اسبوعين جيت اسلم للمعلمة النشاط بعض المطويات رمتها بوجهي والغايه انها ماعجبتها ، والاسبوع هذا عندي اختبار حاسب نهائي عليه ٣٠ درجه ونفسيتي سايره زفت سرت قليل مابتسم واغلب وقتي بكاء ع مستقبلي اللي يضيع قدامي ابوي قرر يفصلني خلاص انا احس اني بموت ، وطبعاً عمتي كانت مخليتني ساعي بريد اوصل هدايا للمعلمه اللي تحبها وكانت تدعي الاهتمام فيني عند ابوي والسنه هذي نقلت المعلمه اللي تحبها وسحبت علي ولاتسال عني ،، ونسيت اقول زوجة عمي درست بالمدرسه الحكوميه اللي نقلوني منها وكانت داخله علمي والان هي مشاء الله لاقوة الا بالله طبيبه ، واغلب قرايبي نسبهم عاليه الا انا اقسم بالله احس فيني جرح مستحيل انه يبرى اتمنى احد يساعدني