أصبحت أخاف من كثرة النعم والخيرات

الحمد و الشكر لله بعيش حياة مثالية و الكمال لله زوج محب و وفي امان مادي اطفال جميلين و اسرة مستقرة و حياة من افضل ما يكون و انا نفسي عندي من نعم ربنا ما اعجز عن شكره من جمال و شهادة و ذكاء و ثقافة و شخصية قوية و كل ما تطمح له اي امرأة في وضعي و لله الحمد و المنه . رح تقولو طيب وين المشكلة .. مشكلتي اهم نقطة بحياة كل انسان انا يا جماعه ما بصلي ولا جوزي بصلي مع انه اهلي و اهله ناس ملتزمين و بخافو الله و ما بضيعو فرض و الي مخوفني انه كل ما بنبعد انا و جوزي و بننسى الصلاة كل ما ربي يرزقنا و بعطينا و حظنا ماشاء الله عجيب و مع الايام صار عندي وسواس انه احنا ضمن الاية (نمد لهم في غيهم) و انه اخرتنا سودا انا و جوزي و كل ما ربنا كرمنا اكثر بخاف اكثر و بحاول اصلي و جوزي بحاول بس ما بعرف مثل الحاجز كأنه هالصلاة ممنوعه علينا... اخرنا اسبوع و بنرجع زي اول و الي بقهرني بنتي عمرها سنتين ما بتسمع اذان الا بتجرني جر بدها تصلي و تسجد و انا قلبي بحس سكين فيه بحاول التزم ما بعرف و ما حدا بعرف اننا ما بنصلي كل الناس بتفكرنا ملتزمين على اساس التزام اهالينا و اننا الثنين طالعين من بيوت دين و ثقافتنا الدينية قوية .. انا صارت النعم الي عايشة فيها هم على قلبي من كثر الخوف و ما عدت عرفت الحل بموضوع الصلاة الي بحس حالي محرومة منها بجد نفسيتي تعبت و محتاجه اشي يساعدني