أسناني شكلت لي عقدة نفسية!

والله انا نفس الشي صرت اكره اني اضحك قدام احد

:( بكيت مشانك الله وكيلك...انا حاسس بألمك مع انو ما بعرفك ولا عمري شفتك..ان كل يلي بدو قولوا هو :الصبر مفتاح الفرج...فهالدنيا الله يختبرنا و يمتحنا بامور كثيرة ..بس ان يلي بدي ياك تفكر فيه انو في ناس لا تحكي ..في ناس لا تسمع..في ناس لا تتحرك وفي ناس حياتها دقايق معدودة..فكر فهيك ناس بس لا تفكري انك انت احسن منون (منهم)...القضية مو قضية قوة الشخصية لانو في ناس كتير حساسين ويتأثروا بسرعة بالمحيط يلي حواليهم و هذا مو عيب اطلاقا..وطبعا ما فيك تتحكمي فهيك شي لانو شي طبيعي لكثير من  الناس..انا مثلا اكره الانتقاد وتكون لي ردة فعل سلبية اتجاه كل من ينتقدني حتى لو كنت في قرارة نفسي بعرف انو الشي يلي بيقولوه صح..انا بنتقد نفسي وراح تكون الي ردة فعل اذا انتقدني حدا تاني..ومشان ما طول حكي كل واحد في عنو مشاكل ماحدا ينكر هالشي..في يلي بيتحمل ويواجه الواقع ويصبر لحتى يفوز والله المستعان...وفي ناس كتير حساسين يتألموا بسرعة اتجاه اي مشكلة تواجهم وبيدخلوا فدوامة الانعزال والقلق و الخوف يصيروا ما بدهم يكلموا حدى..ما راح انكر انا كنت وربما لحد هلا لازلت من هدول الاشخاص..بس انا قررت انو واجه الواقع وحاول اصلح اي مشكلة فالمقابل راح اتجاهل اي شي يحاول يحط و يضعف من شخصيتي او عزمي وراح حاول اصلح نفسي بنفسي..طبعا في ناس بيحتاجوا مساعدة من الاخرين وفي ناس بيوضعوا ثقتهم فالشخص الخطأ وهيك تتأزم الاوضاع ويصير الصعب مستحيل...يمكن تقول انو كلامي فيه نوع من التشاؤم او فيه نوع من الترهيب بس هاد هو الواقع وبدك تواجهيه بكل ما تملكيه من قوة وصبر و الكتير مهم انك فيك تستغلي هالعيب او المشكلة لصالحك مشان تصلحي كتير امور بحياتك...نحنا بطبيعتنا بنحب نكون محبوبين لغيرنا وفي منا بيحب يكون الافضل ومين ما بدو؟..مشان نكون هيك في كتير طرق مشان نكسب محبة الاخرين ونكسب مودتهم مو شرط الجمال او حسن المظهر... الاسلوب يلي راح نستخدموا مشان نواجه مشاكلنا يمكن يكون الحال لنكسب محبة غيرنا ونغير تفكيرهم او افكارهم السلبية اتجاهنا..الله يقويك ويعطيك قوة الصبر الك ولكتير من الناس يلي بيواجهوا مشاكل فحياتهم او حياة احباؤهم واقرباؤهم..ومادام الانسان يتنفس ما راح ييأس وما راح يفقد الامل لانو بهالكون في رب بيسير الامور وفي رب بيسمع لعبدو اذا ناداه وطلب المساعدة..مع تحياتي.