بعد ولادتي هذا ما حصل!

السلام عليكم ورحمة الله ، انا قبل ماتزوج جتني فترة ف بيت اهلي حسيت بالاكتئاب وكنت بس ابكي لكن الحمدلله تغلبت عليه بالدعاء والقرب لربنا الان تزوجت وعندي بنت ف حملي كنت حساسه جدا وبس ابكي ومالي نفس ف شي قولت هرمونات المهم عدت التسعه شهور وولدت كانت ولادتي صعبه بس عدت بعد ولادتي جاني برضو زي الاكتئاب مايقارب اسبوع ماقدر اكل وابكي وكان معايا زي الغصه ف خلقي كل ماحد سالني ايش فيكي ابكي عموما دا برضو عدا الان انا ف بيتي اشيل هم كل شي واتوتر مثلا اشيل هم الغدا ومتى اصحى ومتى اخلص شغل بيتي ومتى اكون جاهزه ونظيفه قبل وصول زوجي من الدوام تعبت من دا الحال لانو ساعات بشيل هم الشي وماانجزو واجلس افكر فيه ابغا نصيحتكم ومشورتكم وهل لازم اروح دكتورة نفسي او هالشي طبيعي والحمدلله