حياتي جحيم وأحزان بسبب قسوة أهلي

السلام عليكم انا طالبة جامعية في اخر سنة في الجامعة عمري ٢٤ سنة مشكلتي بدات اول اشي من اعز الناس الي وهما والدي ووالدتي ، والدي دراستة كانت كليه ووالدتي كانت ابتدائيه وهاد الاشي خلاهم كتير بعيدين عن الدنيا والدين وطبعا والدي كان بس احنا نعيش للاخره ومن دون ما نعيش للدنيا ولا حتى يكون عنا ابسط الحقوق لحتى نقدر نعيش للاخره اما الناس التانين عادي يعيشوا وعادي يحققوا احلامهم وعادي يدرسوا اماااا احنا طبعااا لأ وفعلا خواتي كلهن اتزوجن ومن دون دراسة واخواني معظمهم هيك لا دراسة ولا مهنه ولا اي اشي وحتى ولا اخره ولا دين وطبعاااا انا اصغرهم وقررت اغير من حالي اغير من الفقر والضعف الي انا عايشيته وقررت اجتهد وادرس ولكن للاسف لقيتهم كلهم ضدي وضد حلمي وهدفي ومع هيك استمريت واجتهد وانجحت بس كان في اشي كل يووم بنكسر لانه والدي مو راضي عني لاني بس بدرس وفي مدرسة مو مختلطه والكل بشهدلي باخلاقي وتميزي الا اهلي وكأني عدوتهم واستمر الوضع سننييين وانا كنت ابعد عنهم وما اقعد في جمعاتهم لانه والدي ووالدتي واخواني وخواتي نظرتهم سوداويه للحياة والله العظيم بتعب نفسيييا اذا بقعد معهم بس لو ١٠ دقايق كل كلامهم بس عن الفقر وعن المشاكل وعن الهموم وعن الناس المقتوله وعن نار جهنم وعن العذاب ومستتتتتحيل يتغيروا صرلي ٢٤ سنه عايشه معهم ونفس الكلاااام وقررت ابعد عنهم وفعلاااا اجتهدت في دراستي اكتتر وبطلت اسمعلهم وما حدا بدري عني اي اشي ولا كلفوا خاطرهم يسألوني عن احوالي ولا عن دراستي ولا اي اشي بحتاجه ولا اشي وانا لما شفت انهم ما سألو عني وانا بعدت عنهم بزياده ولما لقيت صاحباتي بحبوني ولما لقيت معلماتي بحبوني ولما لقيت امهات صاحباتي بقدروني وبحبوني انا هيك شفت حياتي وسعادتي بتحقيق احلامي مع اصرار اهلي انه انا على الطريق الغلط وطبعااا لباسي محتشم ومحافظه على صلاتي وحصلت على المراتب الاولى في دراستي واستمريت ٤ سنين عايشه مع اهلي ومش عايشه بنفس الوقت وفجأة وصلني خبر وفاة والدي وبهاي اللحظه صابني شعور انه انا مذنبه انه انا السبب انه انا ما سمعت كلامه انه انا فعلا على طريق الغلط (والله مو راضي عني