عالقٌ بين خوفي من الزواج وبين تحقيق أحلامي

انا ابغى افضفض لكم لذلك ما رح التزم بطرح منظم ...انا ياةجماعة الخير طرحت سؤالي حتى الان في هذا الموقع لنفس هذي السنة للمرة الثالثة بس المرة هذي رح افصل..عشان تعرفوا كم التخبط والكتمان الي انا فيه... والسؤال اني متردد بين( طموحاتي في عملي ودراستي) والزواج انا شاب عمري 29 سنة.. تخرجت من الجامعة قبل ثلاث سنوات اعمل في وظيفة محترمة ولي بيت ملك بس مش في نفس المدينة الي اعمل فيها... كان عذري السنة الماضية والسنين الي قبلهم انني أؤخر زواجي حتى انتهي من تاليف مجموعة من كتبي وابحث عن فرصة للدراسات العليا.. انتهيت من كتبي وتعرقلت في نشرها وانا الان بصدد نشر اول كتاب كما اني حصلت على قبول في الماجستير في جامعة خارج بلدي وممكن الجامعة تاخذ جزء كبير من مدخراتي . الامور تسير ببطء (بمعنى انه طموحاتي ما تسير على ما يرام واحتمال بعد كل صبر هالسنوات افشل او ما اوصل للي ابغاه)وانا الان استطيع الزواج وظروفي جدا مناسبة للزواج بس خايف الزواج يعيقني عن الامور الي اطمح لها .ولا تواخذوني ياةغاليين احس انه الزواج هاليومين شي اشبه بالمهزلة خصوصا في بلدي لان الرجال ما يعرف المراأة الا بعد الزواج( يعني المعرفة الحقيقية) وكانه يضحي بنفسه في مجهول فلذا الامر ما يستاهل انه اضحي بطموحاتي في مقابل الزواج... طيب ليش انا احيانا برجع اتحمس للزواج ؟؟ بقلك يا سيدي!! السبب الرئيسي انه للاسف عندي سلوكيات جنسية خاطئة بسبب اني اعزب وانا الشعور بالذنب والبعد من ربنا قاتلني.. ثانيا: انا تربيت بعيدا عن والديني ( الوالدين منفصلين من عشرين سنة) ومحتاج لجو الاسرة وحنانها انا الان لقرابة 10 سنوات بعيش لوحدي.خايف لما اكبر صحتي ما تسمح لي ابني اسرة وخصوصا انو اخي الاكبر كل يوم في التليفون بيخوفني من هذا الشي( خلاصة كلامه انه فرص الانجاب بتقل)..مشوش وتعبان .. اقلكم على شيء والله ما كان ودي اقوله بس حقوله هنا ... قبل ثلاث سنين اتصلت ع والدتي واخبرتها اني معجب ببنت في البلد الي كنت ادرس فيها كان ودي اخطبها اول ما اتخرجت ... كان ردها كالتالي انه لا ظروفنا المادية ولا ظروفك تسمح لك بالزواج وانا سكتت لانه ما معي فلوس وقتها وانا الان البنت كل يوم في بالي ما بعرف اذا تزوجت او لا ؟ انا الان قدراتي المادية تسمح بالزواج وهذي البنت الي انا مستعد اوقف الدنيا كلها واصرف كل ما معي عشان اتزوجها( طبعا اناةعمري ما كلمت هذي البنت باللي في نفسي بس كان ليى علاقة قوية بعائلتها كانوا مثل اخواني ). طيب لو نفرض انه اكتشفت انو هذي البنت تزوجت او انخطبت هل معناه الدنيا انتهت؟ لا طبعا ... انا لو اثق اني اجد امراءة تحبني من كل قلبها وتحن علي ما اتردد في الزواج ولو لحظة ... لانه اكثر شي فقدته بهذي الدنيا هو العاطفة... عشان كده انا مو متاكد اذا كانت الي حتزوجها تحبني ولا لا. حتكون حنونة علي ولا لا. ولهذا السبب اقول خلك في عملك ودراستك أحسن لك. انا اعرف اني توهتكم .. بس والله والله في حمل وانزحاح عن قلبي لما فضفضت لكم ... انصحوا اخوكم الصغير .. اكتبوا لي ولو حتى دعوات طيبة .. طيبوا خاطري. طيب الله خاطركم ..