هل يجوز لي أن أسافر لوحدي للدراسة؟

مرحَبا ، تردّدت كتير قبل ما أبعت مشكلتي ، بس كميّة الوعي والثقافة اللي لاحظتها بهاد الموقع ، خلّوني أبعتها ، هلأ هي مش مشكلة عظيمة ، بنقدر نحكي إنها إستشارة ، أنا بنت عمري 22 سنة ، خلصت دراستي الجامعيّة جديد ، وبدي أكمّل ماجستير ، طلعتلي منحة أكمّل دراستي بالخارج ، وأنا متفوّقة جداً بدراستي ، أهلي ما اعترضوا بالعكس شجعوني عليها ، وبقانون البلد البنت بتقدر تسافر لحالها إذا كان معها موافقة من وليّ الأمر ، بس من الناحية الدينيّة بجوز الإشي هاد؟ ، يعني أنا ما في حدا يروح معي أساساً ، هاد غير التكاليف اللي بتترتب علينا إذا كان حدا بدو يجي معي ، في أشخاص إقترحوا عليّ أتزوج بس هاد الحل مرفوض نهائياً بالنسبة إلي ، شو ممكن أعمل بهيك حالة ، علماً إنها فرصة مستحيل تتعوّض ، بس خايفة تكون حرمتها وإثمها كبير.