وبكل برود تخون أبي وكأنها هذا الشيء جزء من حياتها

معلش أنا هحكي الحكايه بتفاصيل عشان حقيقي تعبت أنا من عشر سنين وانا بعاني من المشكله دي انا بنت وعندي 17 سنه وعندي بنتين اصغر مني وهما في الحقيقه اطفال لسه وبابا عايش معنا بس المشكله في امي بتعمل حركات مراهقين رغم أن والله من معامله بابا ليها هو بيحبها وهي معندهاش مبرر اصلا عشان تعمل كده وحته لو هي عندها مبرر احنا بنات تقدر تعمل اللي بتعمله دا بعيد عننا وتبعد في بدايه الامر كان عندي ساعتها 7سنين كانت بتتكلم كتير في التلفون لما بسالها بتكلمي مين بتقولي بكلم ابوكي أو خالك المهم كنت صغيره ومعرفش حاجه بعدها بسنه خالتي عرفت الموضوع هي وتيته وضربوا ماما ادامي بطريقه صعبه جدا ساعتها ماما ادتني رقم راجل اتصل بيه من السنترال واقوله متتصلش بماما تاني أنا مكونتش فاهمه حاجه ساعتها بعدها بكام شهر والأمور اتصافت ما بينها وما بين العيله رجعت تكلم الراجل دا تاني كنت سعاتها فهمت بس عشان كنت خايفه اقول لحد أو اتكلم معاها فكنت بحاول الفت انتباه كانت شاريه خط وتلفون مخصص عشان تتكلم براحتها المهم جيت مره مسكت التلفون دا والحقيقة هي طلعت بتكلم اكتر من واحد لأن الارقام كانت مختلفه وكان في رسائل بتوضح دا بعدها أنا كنت خايفه اوي منها فكنت مش بوضح أنا عايزه أعرفها اني عارفه واللي هي بتعمله دا حرام فكنت بقولها إن اللي بيعمل حاجه غلط ربنا مش بيحسبه واعد انصحها من ناحيه الدين وكده فكانت بترد عليا بكل سذاجه" أنا مش بعمل حاجه غلط" وبعضها سكت بس بدأت اسمع هي بتقول اي ومين دول أصلا اكتشفت أنها كانت بتكلم واحد عنده 18 سنه صغير في السن وكان في واحد فاتح محل كانت بتكلمه واحد تاني برضوا الكلام في الاول كان عادي اللي هو عامله ايه وازاي البنات لحد ما سمعتها وانا عندي 12 سنه كده بتقوله أنها لابسه قميص*** الكلمه كانت صعبه اني اسمع ماما وهي بتقولها خصوصاً أن ساعتها كنت واعيه لكل حاجه وفضلت ع كده لحد 5 سنين والسنادي قالت لبابا أنها عايزه تشتغل رغم أن بابا مش مخلينا ناقصين حاجه واتعاركت معه وقالتلوا أنا هشتغل عشان الدخل زياد وكده وبصراحة بابا قالها فلوس شغلك دي بتاعتك انتي ومتصرفش منها حاجه المهم هي فتحت محل ف بروح عندها المحل اكتر من مره لاقيت الراجل دا قاعد ولحد ما عرفت الراجل دا هو اللي بتكلمه هو راجل في عمر بابا كده وعنده اولاد... وبرضوا معرفتش أقولها حاجه لأني خايفه تزعل مني اتكلمت معاها وقالتلها ممكن تقوليلي انت بتعملي ليه كده لو مش بتحبي بابا انفصالي واختاري اللي بتحبي رديت عليا رد قتلني أنا مش بعمل حاجه غلط وبعدين المعامله في حدود الأدب ومجرد اصدقاء وبس بصراحه مقتنعتش لاني عارفه أن العلاقه بره خالص عن موضوع الصداقه دا وحاولت اصدق وبصراحة أنا قولت خلاص بقا براحتها هي حسبها عن ربنا وانا مش هتكلم معها تاني بس المشكله الأكبر أنها بتغصب عليا أنا وأخواتي اننا نكلمه بس كلام عادي اللي هو اذيك يا عمو واخبارك وبس أنا اختي عندها 13 سنه والتانيه7 وكلهم عارفين ماما بتعمل ايه بس محدش قادر يتكلم فينا لما كانت بتطلب مني أكلمه مش برضي واسبها وامشي تزعل وتتعصب عليا جامد المهم كانت سعات تقول إنها راحت عند تتيه وخالتوا واسال يقولوا لا انتوا مجتوش عندنا أنا كنت بحاول اكدب ع نفسي واقوله لا هي مستحيل تكون بتخرج أو بتروح حته معه المهم كان في يوم في من الصبح وراجعه متأخر في سعاتها قالت إنها كانت عند تتيه وانا كنت متصله بتيته وهي مكنتش عندها وقولت لتيته عشان متشكش فيها أنها نزلت تشتري حاجه وتلفونها مقفول في اليوم دا كانت فتحت شنطتها و للأسف أنا لاقيت حاجات متنفعش تخرج بره اوضه النوم لاقيت مكياجات ومعطر للجسم كل دا عادي بس اللي مش عادي أن الاقي قميص*** بتاعها في الشنطه بصراحه دماغي راحت لبعض بس انا قولت مستحيل توصل لدرجه "الزنا" وكملت أيام عادي بابا لما لاقيها بيتكلم كتير في التلفون بغباء لدرجه انه مبقاش يحمها اذا كان بابا موجود في البيت لا مش موجود بتكلمه بابا سألها كتير وزعق راحت تقوله اي دا شغل بيجبلي بضعه عشان المحل ومحدش قادر يتكلم معاها لأننا كلنا بنحبها لحد امبارح بالظبط كنت بلعب في تلفونها أنا واختي ونتفرج ع الصور لاقيتها هي وهو في صوره كأنهم متجوزين بالظبط أنا أول ما شوفت الصوره قفلت التلفون وحاولت معلقش عليها ولا اتكلم عشان اختي المتوسطه حته لو هي عارفه بس متوصلش للقذاره دي بلبل كنت بعيط لاني تعبت ومبقتش قادره اتعامل ولا اقول حاجه في نفس الوقت دا كانت سامعه صوت اختي وهي بتعيط وللأسف معرفتش اعملها حاجه زي كل مره ياريت تفيدوني أنا بحب بابا وصعبان عليا وصعبان عليا اخواتي الصغيرين دول ونفسي ماما تتقي الله لأننا كلنا بنحبها....