ما هي أسباب ضعف تقدير الذات؟

ما هي أسباب ضعف تقدير الذات؟أعاني من ضعف تقدير ذاتي و ماعرف أتحكم في مشاعري، سهله الإستفزاز و بسبب موقف واحد فقط يخرب مودي و يمكن تصل إلى البكاء، أخجل كلش من أشوف شخص جديد ما اعرفه و المشكلة اضل في حالة تلبك و ماعرف شنو ارد عليه و يكون منظري سخيف أمامه

دائما اشكك في شكلي و مظهري و اشوف نفسي مو حلوة على الرغم من أنِّي حلوة و مرات أهلي اذا رادو يصفون بنية حلوة يشبهوهة بيه لكن اني ما اجد هذا الجمال بيه اخاف اباوع على مراية بمكان عام حتى لا اشوف نفسي و شكلي و اكول بداخلي معقولة البنات الي وياي بالمدرسة يحجون وية بنية هيج شكلها؟ الموضوع مزعج كلش و مجاي يخليني اتونس في فترة عمري هاي و مشكلتي حساسة و ماعندي ثقة بنفسي يعني اي حجاية تنحجي علي ماعرف ارد عليها لاني كلما حاولت ان احجي او ارد يكون ردي مو بمحله

اقارن نفسي بغيري هواي و احس اني قليلة كدامهم اي شي اسويه اي انجاز اسويه اشوفه قليل و ما يستحق انو ينذكر أساسا من اجي اتعرف احس ماعرف افتح مواضيع او اسولف حتى تكون سوالفي جدا سخيفة و بايخة و هذا ما يأزم الوضعية اكثر لان احس سوالفي سخيفة و مال داعي اسولف فأضل ساكتة خوفا أنو اتفشل يمكن اكثر شي اعانيه هو شخصيتي الحساسية، و خجلي الشديد، و عدم قدرتي على اتحكم بمشاعري

اقارن نفسي بغيري و استنقص من نفسي هواي، و ماقدر ذاتي اشوف روحي دائما اقل من الناس من اروح للمدرسة اكوم اشارك بفد شي احس بشعور استنقاص من المدرسة توجه نضرها الي حتى اكوم اشارك و اطول بالوكفة كدام الطالبات يمكن رهاب إجتماعي عندي هوايي مشاكل جاي اعانيها بشخصيتي و مجاي اعرف شنو سببها و اريدلها حل و مجاي الكه الحل الي يقطع المشكلة من جذورها وهذا الشي مزعج اريد اتخلص من كل ذني المشكلات شلون؟؟؟ اكون ممتنة اذا كدرتوا تساعدوني