خطيبي يرفض إعلان خطوبتنا ويقنعني بالبقاء بعيداً عن عيون الناس

خطيبى يرفض اعلان خطوتنا ويقنعني بالبقاء بعيدا عن عيون الناس2 اسفه اذا كنت هتعبكوا معايا بس استحملونى . انا كنت واثقه انكوا هتستغربوا ان فضلت سبع سنين مش مدايقة من عدم تصريحه بعلاقتنا طبعا لان علاقتنا كانت غير رسميه اما دلوقتى احنا مخطوبين رسمى انا اتعرفت عليه وانا كنت فى تركية لانى كنت اقمت هناك ٣ سنين وبعدين رجعت مصر وفضلتا على تواصل ٤ سنين على النت فى فترة رجوعى لمصر هو كان كل ما يقدر ينزل بينزلى بصراحه بس كان بيفضل حوالى اسبوع او اقل بس فى مصر ويرجع تانى دولته بس انا مروحتش لبه غير مرة واحده بس سافرت وقعدت اسبوعين ورجعت تانى مصر انتوا متخيلين ان انا لما بقابل ناس ويسلموا عليا ويشوفوا الخاتم فى ايدى ويسألونى اتخطبتى لمين مبقدرش اقول اتخطبت لفلان الفلانى عشان الموضوع ميوصلش للصحافه انا فتحت معاه الموضوع داه مليون مره وفى كل مرة بيبقى السبب اللي بيقولوا ليا واحد بس طريقة اقناعه شديدة بيخلينى اشوفه هو الصح وانا الغلط بس انا تعبت من ناحية المسؤلية هو شخص يتحمل المسؤليه مش بقول كدا مجامله بس هو كدا فعلا وخدوم جدا راجل اوى اقدر اقولكوا ان سبب معرفتنا ببعض من سبع سنين ان كان حصل مشكله ما ليا وهو ساعدنى من غير ما يعرفنى ولما اتكلمنا وحكيتله ان لوحدى واهلى فى دولة تانيه لقيته وقف جمبى وساعدنى مساعدة كامله من غير اطلب وكان سند ليا وعمره ما خاف من صحافة انها تشوفنا سوا لان مكنش فيه حاجة بنا واول ما حبينا بعض وهو بقى رافص ظهرونا سوا قدام اعلام وبصراحه انا لما تابعت اعلام بلده لاحظت انهم فعلا بيدخلوا جامد فى حياة الشخص انا السبب اللي ازعجنى ان امبارح كنا فى مطعم فى مكان ما فى مصر وانا خرجت اعمل مكالمه بره وهو كان بيحاسب وخارج ورايا وهو خارج بنات عرفوه مع انه كان لابس نضارة ومخبى معظم وشه وقف اتصور معاهم وانا واقفه قدامهم بخطوتين ولقيت البنات بيطلبوا منى اصورهم وافقت وصورتهم وهما فرحوا اوى ومشيوا زعلت اوى لما بيوافق يتصور مع ناس وانا اى صوة بنتصورها بحس انها مسؤلية عليا وبخاف انشر لينا اى صورة