صورة علم Egypt
من مجهول
منذ 6 شهور 11 إجابات
0 0 0 0

زوجي إنسان سلبي بطريقة مستفزة

زوجى سلبى جدا السلام عليكم اولا انا بشكر جدا صفحه حلوها ثانيا انا هعرض مشكلتى بس هى فضفضه قبل ماتكون مشكله انا عمرى ٤٠ سنه متجوزه من ٢٢ سنه جوزى اكبر منى ب ١٣ سنه الحمد لله عايشه حاله مستقره نوعا ما جوزى طيب جدا وحنين بس للاسف زياده عن اللز وم او بمعنى ادق بحس انه شخصيته ضعيفه جدا ف كل حاجه يعنى مثلا مش بحس انه بيغير عليا مع انى والحمد لله مش وحشه بس بيتصرف تصرفات غريبه انا الحمد لله محجبه لما اكون قاعده ف البيت بلبس عريان شويه ودا طبيعى ممكن هو يدخل البيت هو واخوه فاجاه ولما اقوله ماينفعش كدا يقولى عادى وفيها ايه لدرجه ان اخوه يقوله كنت تخبط الاول ودا بيحصل كتير حاجه كمان مايعرفش يعمل حاجه غير لما يسال اخواته الاكبر والاصغر ختى لو شاف شغل يسالهم الاول لدرجه كان ليه فلوس عند واحد كان شغال معاه والبيت ماكنش فيه فلوس قولتله كلم الراجل واساله عن الفلوس فضل يتوه الموضوع واكتشفت انه بياخد راى اخوه الضغير يتصل ولا لا وحاجات من دى كتير جدا ممكن حد يسالنى جايه تكتشفى دا بعد السنين دى كلها اولا انا اتجوزت صغيره ماكنتش فاهمه حاجه ثانيا الكلام دا من سنين بس مش عارفه اعمل ايه هل انا مكيره الموضوع ولا ايه انا تعبت من كتر المواقف دى اسفه ع الاطاله ارجو الافاده