صورة علم Jordan
من مجهول
منذ شهران 16 إجابات
0 0 0 0

أشغر بالفراغ الداخلي بعد أن كانت الابتسامة لا تفارقني

السلام عليكم انا بنت عمري ٢٥ سنه وعن قريب رح ابدا بال٢٦ سنه مشكلتي انا بنت واعيه جدا لمشاعري ولتفكيري وبعرف شو بدي وصبري طويل على اي اشي ولكن هالمشكله صبرت عليها كتير وكنت اتمنى النتيجه تكون باقرب وقت لكن كل اشي قدر وهي انه الحمد لله املك من الجمال اللي بخلي اي حدا يشوفني يعجب فيني وانا والله بحب الله اكتر وحاولت على قد ما اقدر ابعد عن هالطريق ولكن ب٢٠١٢ اعجب فيني شاب وهو كان من منطقه وانا كنت في منطقه تانيه وبعيده كتير عنه وهو اهتم فيني بزياده ولكن انا لانه صبري طويل ما بوثق باي حدا بسهوله كنت براقب تصرفاته واهتمامه من بعيد لبعيد ومع اسنين اهتمامه اللي ومن دون ما يحكي معي انا انسانه واكيد عندي مشاعر وبتمنى ارتبط ولاني بحب الاستقرار وبحب الاطفال وبرضوا بتمنى ارتبط بشريك حياه وليس بس زوج قررت بعد هالسنين اللي هو كان مهتم فيها انه انا اقرب منه ولكن اتفاجئت انه هو من بنت لبنت ومن فندق لفندق وطبعا هو ابن عائله محترمه كنت مصدومه من هاد الوضع انه كيف هو هيك بعمل وطبعا في نفس الوقت هو صار يأذيني من ارقام من شباب وكله لاني كنت رافضه احكي معه بس الله وحده كنت قديه احبه بس ما كان بايدي اي حل ولا كنت فاهمه وقتها انه شو بده ازا هو عايش حياته ومن بنت لبنت شو بده فيني وهيك سكرت الموضوع بيني وبين نفسي وعشيت اصعب فتره بحياتي وانا بدعي ربنا يعوضني خير ولسنه 2017 حسيت انه هو خلص بطل شخصي المفضل بطلت احس فيه بطلت اهتم وجوده حتى لو هو واقف قدام عيوني انا كنت بحلم يكون هو العوض عن امي وابوي واختي واخوي ان تعبت في حياتي كتير اقسم بالله نفسي ارتاح نفسي اشكي لحدا نفسي احس حالي مو وحيده يا الله من مراهقتي وانا بحس انه في اشي ناقصني مع اني ناجحه بدراستي وبشغلي وبعلاقاتي الاجتماعيه وما عندي فراغ في حياتي وبدرس دراسات عليا بس انا تعبت والله تعبت حتى ابتسامتي وضحكتي صارت ثقيله على قلبي كتير والله بطلت قادره امثل اكتر من هيك اني مبسوطه واني قويه وانه ما في اشي ناقصني واي حدا بتمنى حياتي بس ما حدا عارف عني اشي ولا حدا عارف انه قلبي مات من الوجع علشان هيك انا قويه حتى لو وحيده وما رضيت اختار اي حدا بالحرام لاني بس بحب الله وبدعي في كله سجده انه الله يرضى عني ولكن انا بديت اكبر والعمر بمشي بسرعه وبدعي ربنا من زمااان يرزقني الزوج الصالح وبستغفر ولكم صرلي سنتين ما بعرف شو صرلي من ٢٠١٧ لهاد اليوم بحس حالي باهته من جوا بحس اني تعبت كتير وخلص كله صار بمشي وبعدي عندي وعندي خوف مو لانه الزواج محور الحياه اكيد لأ بس عندي خوف انه نفسي ارتبط وارتاح نفسي اروح على مكان مع شخص متل نفسي وروحي ما بدي اكزب ما بدي امثل اني سعيده وانا العكس مرات بحكي خلص يمكن الوحده انكتب علي في حولي اشخاص كتير بس هما في وادي وانا في وادي تاني وحدة القلب صعبه والله المشكله انه من طفولتي وانا عايشه بفقر وقررت لما وعيت وفهمت الحياه ومن لما كان عمري ١٤ سنه متخيلين انه انا بدي اتعب على حالي واشتغل علشان لما اتزوج اكون ام صالحه اقدر احقق كل اشي لاطفالي بس اليوم بحس ببرود اتجاه كل اشي وتحديدا لما هاد الشب لانه اكبر مني ممكن باي لحظه يتزوج وبكون هو عاش حياته وانا قلبي مات انا نسيته الحمد لله رب العالمين ولا اني عايشه بالماضي بس ما بعرف شو اعمل بحس روحه فاضيه من جوا وانا اللي ابتسامتي ما بتفارقني .