تقلبات مزاجي ترهقني

انا صايره اخاف كثير على نفسي مستنكره كيف انا صايره، مؤخرًا بعدت كثير عن كل شي وماعاد عندي شغف للاشياء اللي كنت مره اتحمس عشانها واصيح واتطاق عشان احصل عليها، تقلبات مزاجي صايره تجهدني بشكل مو طبيعي، فجأه اطير من الفرح والتفاؤل واكون مليانه ثقة واحس اني احلى بنت بالدنيا وابي انجز، وفجأه اهجد وما ابي اتحرك من سريري والناس اللي كنت انبسط عشان اكلمهم صايره ماقدر اقرب واحكي معهم وتنعدم ثقتي بنفسي فجأه حتى شكلي ماعاد اطيقه وابكي طول الوقت، نومي قليل مره ما اقدر انام اكثر من ٣ ساعات متواصله، والصداع صاير اغلب الوقت معي، احلم كثير مره ولو غفيت بالغلط غفوه بسيطه بعد احلم وكلها احلام شينه وتتلخبط مع واقعي واتلخبط كلي، ابكي كثير بدون سبب وسبق حصل موقف كاسه انكسرت جنبي وماتحملت اقعد من الخوف طلعت لحالي وبكيت كثير وبعدها على طول جتني نوبة ضحك وسعاده مو طبيعيه، مستغربه هالتصرفات مني، ماحكيت لاحد من صاحباتي كلهم متعودين علي دايم اضحك ودايم انكت ودايم بشوشه ومبسوطه ما اتحلطم كثير ولو تحلطمت ما اتحلطم عن نفسي كله عن مواقف تصير بيني وبين امي او اهلي بشكل عام، حكيت لماما مره وقالت انها ملاحظه علي وتعرف اني متغيره وماتعرف السبب، صرت احلل كثير بيني وبين نفسي ابي اعرف ايش سبب اللي قاعد يصير فجاه هل هو تراكمات من اشياء صارت لي وانا صغيره او قريب وفجاه طلعت الحين بعد ماكتمتها هل هو شي طبيعي بفترة مراهقه مو عارفه القى جواب بس تعبت مره من هالتقلبات وتعبت اني مو فاهمه ايش فيني ومحتاجه احد استشيره، شكرًا مقدمًا ❤️