يستغلون طيبتي وأخلاقي لصالحهم بطريقة عنيفة

يسعد مساكم يمكن تكون مشكلتي طويله بس محتاجه حدا فضفض اله من دون رقابه ع كلماتي اول شي انا عمري 38سنه وعندي بنت عمرها 19 اول مشكله مع بنتي لا بتعملي احترام ولا بحس ان الي قيمه عندها ما بتفرق معها انك كنت موجوده ولا لاء وجودي وغيابي واحد عاملتها متل رفيقه كسرت كل الحواجز واحيانا وقت بنتزاعل بتقلي انتي سبب مصايبها كيف بدي اتعامل معها ماعم اعرف تاني مشكله الناس المحيطه فيني انا بغربه وبعامل الناس بطيبه وهنن عم يستغلوا هالشي وقت بدي وقف بوجهم بخاف كتير ع مشاعرهم ثقتي بنفسي جدا ضعيفه وبخاف من فقدان اي شخص لان اتوفت امي كان عمري 5سنين ممكن تعطوني حلول لاسند حالي ولو شي بسيط مشكورين مسبقا