الكآبة خيمت على حياتي

السلام عليكم أتمنى تسمعون كلامي تعبت من حياتي حياتي حيل ممله وكئيبه مااطلع مكان نادراً اطلع مكان حلو ويسمى طلعه ٢٤ ساعه في البيت ابوي مايطلع معانا وامي توها تسوق من كم سنه وتخاف ماتدل كل مكان مرات اعذرها اقول كبيره وابوي كبير ومريض مايشتغل خاطري اصير نفس البنات اسافر واطلع وأشتري كل شي اطلبه لا مايعطينا مصروف ولا يطلعنا ولا شي ناقصني اشياء وايد ودايما يسلك لنا استحي حيل اذا قعدت مع احد سوالف الناس غير حياتهم غير مااعرف اسولف ولا مره في حياتي طلبت من مواقع او حتى من الانستقرام احس نفسي عجوز وكبيره شكلي اكبر من عمري تعبت من حياتي كلشي ابيه مااقدر احصل عليه الا بطلعه الروح اشوف البنات اي شي يبونه يقدرون يشترونه بسرعه الا انا مااقدر اتوظف لاني للحين صغيره عمري اقل من ١٨ أتمنى تشوفون لي حل وشكراً مقدماً …