كيف أقوي ثقتي بنفسي وأعتمد على ذاتي فقط؟

السلام عليكم اني عملت بالنصيحة وزرت معالجة نفسية ونصحتني بان ان والدتي جاهلة(ثقافتها على كدها)فبررت معاملتها بسبب ثقافتها ونصحتني للعمل باي مكان ومهما كان العمل حتى لو بدون اجر حتى اطلع من هذا الجو وبلكي احصل عمل من خلالة ونصحتني ان احب نفسي ومااسمع كلام الناس ومهما تكلمني امي اسمع واسايرها وان اعتمد على نفسي بكل شي ووصفتني أن انا مقصرة مع نفسي لاني مااعمل والخوف وهم عندي لاوجود له اخبركم النصائح مالاتها حتى تشيروني وتوضحولي بعض من الأمور الي مافهمتها مثل حبي نفسج ماعرفت اطبقها بصراحة صعبة ومثل يصير اعمل بدون اجر من اجل اطلع وبلكي احصل عمل بأجر ونصحتني ان أخابر طليقي وأخبره بأن النفقة قليلة يعني اني الي اكلمة واخبرة المفروض يزيدها على مود اولادة واخبرة بأن احنة محتاجين بيت حتى اوياجرنة ويخلينة لان هو حالتة المادية جيدة جدا بس المشكلة اني مااثق بي واحتمال يدفع كم شهر والباقي يعوف فطمنتني وكالت ابنج سند مايكدر واذاسكنتي ووافق احتمال يشتريلكم البيت للمستقبل فهذي نصائحها فانتم شتشوفون مناسب صح او تشيروني ارجو المساعدة نصحتني أحد الدكتوراات للطبيب النفسي وانا سويت وهذي اخر الخطوات السويتها بس اني معدومة الثقة بنفسي كبنت .وكان وخاصة ام عديمة الثقة بنفسها ..قصدي اشلون اعتمد على نفسي لان احس واشوف روحي الوحدي وحيدة بس نصحتني كالت ماعليج بأحد زين اطفالي الي تعودوا على هذا النمط من الأسلوب والحياة وحتى من كلمتني حسيت بنفسي غلطانة من اضرب ابني وهو كبير شسوي صح هو سندي بس انة ليش هجي اسوي بروحي واليش هجي يصير بية بصراحة ارتاحيت من حجيت وياها وكلمنتي بس بعد أمور اعني منها لهسة ماعرفت احلها وخاصة تريد مني جواب على اامخابرة وشيصير من تطورات انة مااملك الجرءة خاف اكلمة وماادبرها هواي امور كلمتكم بلامور السوستيتها وارجو قراءة رسالتي ورايكم وجزاكم الله خيرا