مشاكل أهلي حول الورثة جعلتني أفكر في الزواج

السلام عليكم انا فتاه عمري ٢٤ سنه وانا الان طالبة ماجستير مشكلتي هي تفكيري في الزواج والارتباط والحمد لله ربي رزقني كل اشي بتتمناه اي بنت تانيه جمال ودين والحمد لله ولكن مشكلتي انه عمري ما فكرت ارتبط بعلاقة حرام ودايما بعيده كل البعد عن العلاقات والصداقه وكل همي ارتبط بانسان يكون قلبه متلي بحب الحياة طموح ويكون سند الي لكن للاسف كل احلامي بهالشخص عم تنتهي وانا بتاثر نفسيا كتير هالفتره فمثلا انا ما بدي ارتبط عن حب ولو حدا قرب مني انا ما بحب اجرحه او احسسه انه انا ما بدي اياه كل اللي بعمله اني بضل شايف وساكت ومن دون ما اذيه لكن هما بأذوني بابشع التصرفات وبابشع الطرق بس لاني ما بدي الحرام وما بدي الغلط مقابلها بدي ارتبط بالحلال بانسان في موده ورحمه بينا وكل الي اتقدمولي ما حسيت باي شعور اتجاه اي واحد فيهم ولدرجه انه انا صرت احس رفضي للشب المتقدم قبل ما اشوفه وقريبا رح يصير عمري ٢٥ سنه وضغط اهلي علي عم بزيد ونظرات الناس الي بدات تضايقني واي حدا بفكرني مرتبطه ولما يسألوني واجاوبهم انه لأ مو مرتبطه صدمتهم بتكوون واضحه على ملامح وجهم وعندي مشاكل اسريه كتيره في البيت على ورثه بعد وفاة والدي لانه كل اخواني وخواتي متزوجين وعندي خوف كبير من مطالبتهم اللي للبيت الي انا ساكنه فيه وللاسف هما كلهم ضدي لانهم شايفين هاد حقهم هو صح حقهم وانا مو حاكي اشي بس وين اروح انا وامي والمشكله انه امي فوق ٧٠ سنه ومريضه وهاد مخوفني اكتر والله تعبت ساعدوني عمره ما كان طموحي الزواج والارتباط برجل وعندي امل وطموح اشتغل وانجح بحياتي لكن خوفي من الورثه خلاني افكر كتير بالزواج .