الخجل مسيطر على حياتي

قضايا نفسية
animate

انا مراهقة 16 سنة معنديش اصحاب او بمعنى اصح معنديش حد اثق فيه احكيله اسرارى اقوله انى مضايقة وده لانى مش بثق فى حد شايفة انى او حكيت لحد اى حاجة عنى هخليه يمسك سلاح ضدى يذلنى بيه لو حصلت اى خناقة بينا ....يمكن يكون فى بنات بيحكولى اسرارهم بس انا بحس ان الكل بيحب يحكى مش بيحب يسمع بحس انى لو حكيت لحد مشاكلى هكون كدة بزعجه ....خايفة لما اتجوز اتجوز جوازة تقليدية عشان عندنا الواحد بيتقدم للواحدة على حسب شكلها وسمعتها واحترامها وسمعة والدها بس مبيكونش عارف اى حاجة عن شخصيتها وانا مش عارفة هوصله ازاى كل حاجة انا بحس بيها وكل مشاكلى حاسة انى بكدة هكون بزعجه ولو مقولتلوش هكون ببنى حياة وانا مخبية عليه وكدة مش هكون مرتاحة وخصوصا كمان انى خجولة لدرجة انى بتكسف امشى فى الشارع لوحدى لانى مبحبش نظرات الشباب والبنات ليا وحتى لما بمشى مع حد بكون مكسوفة من نظرات الناس ليا لانى ساكنة فى منطقة شعبية مع انى مبكونش لابسة حاجة غلط والحمدلله شكلى مش وحش ....بستغرب اوى لما اشوف حد فى التليفزيون رايح مطعم وبياكل لوحده ....الخجل ده مسيطر على حياتى بطريقة فظيعة ومش عارفة اتخلص منه.... هو انا بكون غلطانة لانى مش عايزة ازعج حد بمشاكلى ؟؟؟...بس انا حاسة انى بظلم نفسى انى بكتم جوايا كل الحاجات اللى بتضايقنى.....فجأة بحس انى مخنوقة وكارهة نفسى وكارهة حياتى وبفضل اعيط وبكون نفسى اصرخ وابطل كل ده ...مش عارفة هكمل حياتى كدة ازاى ...الخجل ده كمان سبب فى فشلى فى دراستى انى بتكسف اسأل لما بكون مش فاهمة ....مش عارفة امتى هلاقى الشخص اللى هقدر احكيله كل حاجة واكون صريحة معاه لانى عمرى ماكنت صريحة مع اى حد ...بس انا نفسى فى شخص يفهمنى الاول انا لغاية دلوقتى مش لاقية اى حد يفهمنى صح مش عارفة انا اللى شخصيتى معقدة ولا انا ظالمة نفسى ولا انا بضحك ع الناس انى مبينة انى قوية ومبسوطة ...حتى ع الفيس عاملة اكونت باسم مستعار بس الناس اللى بتكلم معاهم مش قادرة اكون صريحة معاهم ...مش قادرة اعيش كدة ...مش عارفة هى دى فترة وهتعدى ولا انا هفضل كدة على طول.....

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الخبيرة النفسية د.سراء فاضل الأنصاري انت في عمر التعرف على الحياة والناس لذلك اعتيادي تكوني خائفة وخجلة ولكن لا تدعي هذه الامور توقفك استمري في المحاولة وستعتادي بعد فترة ،،،الكلام عن المشاكل تنفيس عن الكبت والضغط لذلك لا تخافي ان تتحدثي وخصوصا على الفيس كبداية راكيد ستجدي صديقة او اخت ترتاحي لها لا تتوقعي السيء منذ الان لانك ستعيشي في قلق داءم واذا عرفوا اسرارك هل هي نهاية الكون تبادلوا الاحاديث والاسرار وستجدي الناس الاقرب لك
  • صورة علم Egypt
    صورة علم Egypt
    من مجهول
    ابتدي التحدث مع صديقاتك في الحكاوي العادية وواحدة واحدة تتكلمي عن حاجة خاصة بيكي وتكون مش حاجة كبيرة وشوفي رد الفعل واذا كان الحكاية دي طلعت برا ولا لا ونصيحة خلي عندك ثقة بنفسك اكتر من كدا الحمد لله عندك ادراك وحس ومعندكيش لا سمح الله عاهة او شئ يعيبك
  • animate

  • صورة علم
    صورة علم
    من مجهول
    طول عمري لا اثق باحد و لا اعطي سري لاي احد لان لا يوجد احد بهذا العالم منيح الجميع سيئين و لا يستحقوا طيبة اي احد منيح فلا تعطي سرك لاي احد و حافظي عليه جيداُ
  • صورة علم
    صورة علم
    من مجهول
    هذا دليل على ضعف شخصيتك لان الانسان الذي يتصرف مثلك يكون عديم الثقة بالنفس و لا يكون له هيبه امام اي احد لذلك لكي تعالجي نفسك حاولي ان تعززي ثقتك بنفسك لكي تطلعي من هذه الحاله
  • صورة علم
    صورة علم
    من مجهول
    انتي طبيعتك هكذا فلماذا لا تحبي هذ الشيء بك اجمل شيء بالفتاة الخجل الذي بالوقت الحالي و للاسف نفتقده فكوني مثلما انتي لان الذي انتي به شيء جميل فلا تخجلي من نفسك و كوني انتي انتي
  • صورة علم
    صورة علم
    من مجهول
    يا بنتي مش كل الناس مثل بعضهم يعني اكيد في ناس مناح و يأتمنوا على اسرارك ..لا تحكمي على كل الناس بنفس الطريقة لانه الحياة فيها الطيب و الخبيث و انت بامكانك انك تميزي بينهم بالتأكيد
  • صورة علم
    صورة علم
    من مجهول
    انت ينقصك الثقة بالنفس يعني هي الي بتولد بداخلك مشاعر الخجل و الخوف من الوحدة انت لازم تكوني صداقات و تندمجي مع الناس و تكسري الحاجز الي بداخلك ..قرري انك تغيري من نفسك
  • صورة علم
    صورة علم
    من مجهول
    يا عزيزتي الخجل جميل و و زينة للفتاه و لكن لكل شيء حد يعني اذا زاد هذا الهجل عن حده فانه رح يمنكع انك تتقدمي في حياتك و رح يبعدك النجاح ..لازم تقوي ثقتك في نفسك وو ما تخلي اي شيء يعيق حياتك

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟