ألجأ للعزلة والوحدة كي أتجنب مشاكل أهلي

السلام عليكم اود ان اطرح مشكلتي لكن قبل ان ابدأ حابة اتكلم عن نفسي وعن طبيعة حياتي عشان تعرفوا تساعدوني. انا عمري بنت 19 سنة اسرتي مكونة من اختين وأخ انا اصغر وحدة الحمدلله مدللة وأهلي مو مقصرين معي ابدا لكن بحكم اني اصغر وحدة اهلي مره يحاولو يحموني بكل الاوقات طبعا هادي وظيفة اي ام وأب وانا اقدر تعبهم معايا لكن ساعات يوصلو لمرحلة احس اني قاعدة انضر بشكل تدريجي مثلا سافرت سافرت امريكا بحكم شغل الوالد كانو ما يخلوني اروح المدرسه اول سنتين ما اطلع مع اطفال بسني عشان وما احتك مع ناس كتير هالشي سببلي مشكلة بأن ما اعرف احتك مع ناس كتير واخاف او اكون مو واثقة... ملاحظه انا مو قصدي ألوم أهلي لكن حبيت اوضح. الان مشكلتي اني رجعت من امريكا صارلي سنتين من لما رجعت وضعنا المادي تحسن عشان والدي اشتغل وتعب برة بأمريكا عشان يوفر لنا حياة كريمة ونعيش ببيت اكبر وادخل جامعه وانا مقدرة هالشي تماما وفخورة انه والدي رجل مكافح وحنون مع اطفاله بنفس الوقت لكن لما رجعنا والدي قرر يتقاعد بس للحين يستلم راتبه ولله الحمد لكن احسه مسكين مظغوط نفسيا لأن عليه ديون وتفكيره طول الوقت على الفلوس بس صاير عصبي جدا وما صار يتفهمني بالأول قلت فترة وتعدي اخليه على راحته اهلي مو كتير يتفهمو امي بس تشتري اشيا كتيرة مالها أي داعي فقط لمجاملة الناس وكذا وهو والدي ما يقدر يقول لأ مع انه المفروض بهالفترة نوقف صرف لو شوي لكن اهلي ما زالو مستمرين وكل كم يوم امي وابي بس يتهاوشوا على موضوع الفلوس وبيتنا صاير بس هوشات حتى بسوالفنا صرنا ما نستمتع وصاير عصبي والدي وبس يصرخ على اتفه الاسباب مثلا انا لما يعصب اسكت وما اتدخل او اتذمر لأنه اعرف هو معصب من شغلات ثانيه ف اتفهمه وما اظغط عليه لكن للحين احنا على هالحال مو عارفه ايش اسوي علاقتي بوالدي صارت متوترة مره ساعات اقول الله ياخذ الفلوس كلها ما ابغا بيت مره كبير وأفخر الملابس بس ابغا بيتنا يكون دافي بدفء العائلة مبسوطين ونرجع زي زمان كنا ساكنين ببيت اصغر لكن كنا مرتاحين نفسيا.... ملاحظة انا قاعدة اتعامل مع هالمشاكل بالهروب واجلس لوحدي كتييييير عشان ابتعد عن مشاكل بيتي واعرف انو ماهو التصرف الصحيح لكن انا تعبت ساعدوني ارجوكم وشكرا