أعاني من القلق واختلال الآنية، كيف أتصرف؟

اهلاً انا بنت عمري ١٩ سنه .. جاني قلق واختلال الآنيه حاولت اني أتعالج بأدوية ومانفع وحاولت اني إعالج نفسي بنفسي وأحس خف مني الاختلال.. بس مشكلتي الحين اهي الأفكار من كثر ماقرأت عن الأمراض النفسيه احسها فيني ودائماً في بالي هالشي حتى لما اقعد مع احد تجيني افكار واجلس أحلل حركات الناس وأقول في نفسي شكلهم مريضين ، تعبت كثيييير من هالشي ، صرت لدرجة مااحب افكر في ولا شي دائماً اخاف إنّو لما افكر في هذا الشيء يعني اني مريضه نفسياً واحلل كل افكاري .. والحين صار كل شي عندي عادي يعني داخلياً بس مثلاً لو اشوف شي عن الانتحار مسلسل او شي داخلي احس كأنه شي عادي ، بس انا ماابي كذا .. احس اني كثير تعبت من اللي فيني ، احس بس ابي احد يقول لي إنّو هذي كلها وساوس واشياء مو صحيح ، لأني خايفه اني جنيت او اسوي شي من غير ارادتي