أخاف أن أصبح مثل أبي حين أكبر

أنا عندي مشكلة و حلها هو في رسالة ذي إلي بكتبها دلوقتي...أنا وحيد حوليا ناس و معارف لكن وحيد معنديش الشخص إلي بيكلمني و أكلمه علطول والد و والدتي يعني في حدود في التعامل دا غير أنهم لو بيحبوني (مش عايز أدخل في تحليليلات) برضه هو حب علشان أبنهم و خلاص مش علشان أنا إنسان حلو و يمكن دي نقطة ضعفي مش حاسس أنى أفرق مع حد ووالدي شخص مش مسؤل فاكر نفسه شاب صغير...حتى البنات بتكسف أكلم حد منهم غير أني مؤمن أن أي أختلاط خارج أطار الدين يبقي حرام و علي الرغم من دا حتي مش عارف يبقي عندي علاقة زمالة حتي بأي بنت...و خايف أكون ذي أبويا لما أكبر سواء من أنعدام المسؤلية أو حتي الفشل في الحياة العملية علي الرغم من أني عندي أحلام كتير معظمها عايز أخدم بيها الناس مش علشان شخصي.... فالمفروض أعمل أيه علشان أنا تعبان جدًا و أنا وحيد و حاسس أن المستقبل ضايع