أعاني من صداع وتنميل في أعصاب يدي فما العلاج؟

السلام عليكى ورحمة الله وبركاته رمضان كريم عليكوا . انا بنت فى ثانويه حاليا فى امتحانات فاضل اسبوع وابقى خلصت امتحانات اخر السنه فى ٢ ثانوى مشكلتى ظهرت من سنه بالظبط تحديدا فى رمضان اللي فات ظهرلى صداع مستمر فى رأسى والم شديد حتى بكون لسه صاحية من النوم بلاقى صداع شديد مكنتش بقدر احط اى حاجة فى شعرى ابسط حاجة توكة او بنسة فضلت فترة كبيرة كدا والالم والصداع كل يوم بيزيد ودوخه ولما قررت اروح لدكتور مخ واعصاب سبحان الله لقيت نفسى اتحسنت فمروحتش فضلت كويسة حوالى ٣ شهور كدا ورجع تانى الصداع بالالم والدوخه والهبوط لغاية من ٤ ايام الالم مبقاش مقتصر صداع وهبوط ودوخه لا الالم وصل لعيونى وجع شديد فيها حاسه ان نار بتطلع منها ورحت لدكتور لما الالم فضل مستمر ليومين الدكتور قاس الضغط وطلع 80 على 45 وقالى غضلت قلبك مش قادرة تضخ الدم وحاولنا نركب كانولا عشان نركب المحاليل بس مكنش فيه عروق نهائى فى جسمى وروحنا لممرضة ركبتهالى انا الدكتور اللي روحتله مكنش دكتور متخصص وكان الجو متأخر فكنت مضطرة اروحله للعلم ان حصلى امبارح صعوبة فى التنفس شديدة وقلبى سرعته مكنتش منتظمة نهائى وتنميل فى فمى وايديا واعصابى كانت مرتخية جدا وجسمى كان بيترعش ويتنفض وايديا متلجه ياترى ممكن يكون السبب ايه واقدر اروح لدكتور متخصص ايه عشان يفيدنى