أكره شكلي وأتمنى أن أرى نفسي جميلة

أكره شكلي وأتمنى أن أرى نفسي جميلة انا بنت في تالته ثانوي عندي مشكله مع شكلي من تالته اعدادي بدات اكره شكلي تدريجيا واخد بالي من حجات مكنتش شايفاها فنفسي وركزت كتير اوي لحد مطلعت كل العيوب الي فيا ومبقتش قادرة استحمل ابص لنفسي في المرايا ومش قادرة انزل اواجه الناس مبقدرش اعدي من جمب حد منغير محط ايدي علي وشي وبيبقي باين عليا عدم الثقه والخوف من شكلي قدام الناس

دايما بشوف كل البنات حلوة ومحدش فيه غلطه وبيتصوروا منغير فلتر وبيبقوا تحفه ولا غلطه ما شاء الله انا ما قادرة اعمل زيهم كدا وحتي شكلي فالفلتر مببقاش بالجمال الي هما فيه حتي في الحب محدش بيتقبلني زي مانا محدش بيتقبل شكلي بقيت بخاف احب ولد او اتعامل مع ولد يشوفني يتصدم ويكسر بخاطري دايما بسال نفسي لي ربنا خلقني كدا لي ربنا بيعاقبني وبيخليني عايشه ضحية ومظلومه طول حياتي حاسه كل حياتي بايظه ولا قادرة اصلي واقرب من رينا ولا قادرة اذاكر واخلص من الثانوية ولا حتي عارفه هدفي في الحياه اي مش عارفه انا عايزة ايه

دايما خايفه معرفش اخرت مستقبلي اي دايما بتخيل سيناريوهات وحشه اوي عن الي هيحصل بعد كدا فحياتي بسبب عدم مذاكرتي وعدم قربي من ربنا وشكلي دايما بلوم اهلي انهم خلفوني كدا واوقات بلوم ربنا ومش عارفه مين الي غلطان انا موجوعه اوي صادفت مواقف كتير فحياتي داست علي قلبي وكسرتني من الاهل قبل الصحاب نفسي انام واصحي الاقي نفسي بقيت جميلة والناس متقبلاني نفسي اتحب زي اي حد في الدنيا

نفسي اعيش بدل احساس الظلم الي انا حساه دا وبتكسر اكتر لما بلاقي حد من الي حواليا بيقولو العيب الي انا شيفاه بنفسي بتاكد انه كله شايف نفس الحاجه وشايفين انها عيب بزعل اوي علي نفسي بس عمتا حسبي الله ونعم الوكيل فاي حد قلل بيا سواء بشكل مباشر او غير مباشر مش مسامحه حد اذاني فنقطه ضعفي منهم لله