ابنتي تعبت من الاطباء ما الحل؟

add_commentأضف إجابتك

thumb_downلم يعجبني0

ابنتي فجأه دخلت المستشفى ب ١٢١٠ كان عمرها سنة ونص كانت في حالة بكاء مستمر ليومين بدون نوم او اكل لما فتنا فيها المستشفى بقيت ثلاثة ايام فيه وعملو كل الفحوصات اللازمة واخر فحص اكتشفو من صورة الرنين المغناطيسي انو فيه التهاب بالقشرة الدماغية عندها بعدها اخدو خزعة من النخاع الشوكي ليتأكدو انو مو سحايا مع العلم إنو ما كان معها حرارة ابدا بعدها حكولنا بدها علاج لمدة اسبوعين وبما إنا مأمنين بمستشفى عملنالها دخول فيه واول مادخلنا ما اعترفو بالصور والتحاليل اللي انعملت  واتعرضت للاشعة مرة تانية واخدو خزعة من النخاع الشوكي ليتأكدو من عندهم بعدين بلشت تعطيها الدكتورة مضادات حيوية وبلشت بمضاد البكتيريا وهو الروسيفن هديت البنت عليه ورجعنا فيها عالبيت مع العلم انو الالتهاب ضل زي ما هو بالصورة ما تغير وما مضى يومين وترجع البنت تنتكس وترجع لحالتها البكاء المستمر رجعنا فيها عالمستشفى  وهالمرة اعطتها مضاد فايروسي واسمه ايسكلوفير بعدها اتحسنت عليه وهديت واخدو منها دم ليعملولها فحوصات ويبعتوه ع ألمانيا لتعرف شو نوع الالتهاب وكانت النتيجة انو ما لا بكتيري ولا فايروسي عهالحالة شخصتو إنو مناعي وبلشت تعطيها مضاد المناعة ال Iv Ig مدة خمس ايام كل يوم اربع ساعات بعدها حكتلنا نرجع عالبيت ونصير نيجي كل شهر عندها لحتى توخد مضاد المناعة ورجعنا بس هالمرة ما كملنا يوم بالبيت روحنا الصبح ورجعنا عالمستشفى بالليل ولما دخلنا الطوارئ صار معها تشنجات وكانت ايدها الشمال تتحرك بدون توقف اعطوها عن طريق الوريد مادة تهدي التشنج اللي عندها وهديت بعدها اعطتها كمان جرعة من مضاد المناعة واعطتها كورتيزون لمدة يومين وكان يرتفع ضغطها كتير كل ما يشبكوه بالوريد لهيك طلبت يوقفوه وما يعطوها لاني شفتو ضرها ما نفعها وبالفعل وقفوه بعد كم يوم البنت اتحسنت ورجعت توكل وتلعب وقررنا انو نروح عالبيت ونضل ع نفس مضاد المناعة كل تلات اسابيع ولما روحنا تاني يوم البنت ما صحت وكانت طول الوقت نايمة كنا نحاول نصحيها تفتح عيونها تطلع فينا وترجع تنام ضلت لبعد العصر ع هالحالة بعدين اخدناها ورجعنا عالمستشفى وهناك حكت انها بدها تجرب نوع جديدمن الدوا واسمو روتوكسيمام ووقعتنا عورقة القبول لتعطيها إياه طبعا احنا كان كل همنا إنو البنت تتعالج بأي طريقة ووثقنا بالدكتورة وقلنا ما رح تعطيها اشي يضرها لهيك وافقنا ما كنا عارفين انها بتعمل حقل تجارب عليها وبدها تعرف المرض شو ما كان الثمن وأعطتها اياه بال Icu وبالوقت اللي كانت توخده البنت بلش يطلع ع جسمها بقع حمرا احنا خفنا كتير بس حكت الدكتورة اشي طبيعي سكتنا اخدت الجرعة كاملة بس للاسف ما استفادت عليه ابدا بالعكس بلش تركيز بصرها يخف وقليل ما بتركز فينا لما نحكي معها وكإنها مو شايفيتنا منيح غير هيك الحركة بطلت تعرف توقف لحالها بس تجلس واحيانا تجيها حركات بجسمها غير متناسقة تلف حالها بطريقة غريبة عالسرير وشو ما حكينا ما تركز معنا كإنها بعالم تاني واخدو منها اكتر من تلات مرات خزع من النخاع الشوكي همه عارفين إنو بأثر ع مية العين بس كانو يحكولنا إنو مية العين عندها كتيرة كانو بجربو عليها لانها اول حالة بتمر عليهم والدكتورة مش انها تشوفها هيك صار فيها بعد الجرعة إنو توقفها قررت تعطيها جرعة تانية وأعطتها ومن بعدها تنفسها صار يقل ودخلوها الIcu وركبولها جهاز تنفس صناعي وبعدها فاتت بغيبوبة استمرت لمدة ٢١ يوم ما تصحا ابدا وكانت الدكتورة تيجي تحكيلنا اتوقعو اي اشي بنتكو خالصة كان كلامها بفوت زي السم جواتنا وكانت بتحكي كلامها بأسلوب مستفز وأناني وبتدجو دج علينا بدون ما تراعي مشاعرنا إنا أهلها وكإنها بتحكي اشي عادي إنو بنتكو رح تموت ببساطة كانت تحكيلنا اياها وبعد ٢١ يوم صحت بس لما صحت وهي بهالحالة انهرنا اكتر كانت عين مفتحة وعين مغمضة وصافنة مو شايفة اشي وما بتعمل ولا حركة حتى الاحساس عندها لما كانو يفحصوها برجليها وايديها معدوم ما تحس باشي وحكولنا انو فيه شحوب بالعصب البصري يعني ما بتشوف ما فقدنا الأمل واتوكلنا ع ربنا بشفائها بعد فترة صارت تفتح عينها التانية بس نص نص مو كتير وبلشت تحرك ايدها اليمين وكل يوم نعمللها مساجات طبيعية وبعد مدة شالو عنها جهاز التنفس وطلعنا من الIcu ورحنا عغرفة وكانت بس اتضل عحليب البدياشور وسوائل بالوريد بس بعد كم يوم رجعت انتكست ونفسها نزل كتير وصارت بصعوبة تتنفس ويومها حكولنا ما فيه سرير فاضي بالIcu وضلت يوم كامل مو عارفة توخد نفس و بوقتها عملنا مشكلة وكنا بدنا ننقلها ع مستشفى تاني بعدها دبرولها سرير عند Icu الكبار مو الاطفال ورجعو ركبولها جهاز التنفس الصناعي وكانو كل يوم يعملولها سكشن (سحب بلغم لانو بسبب الجهاز صار يتكون عندها بلغم في رئتيها بشكل كبير وكانت كل فترة تتخنق منو شفنا أيام الله لا يدوقها لحدا وبعدها فاتت بغيبوبة لمدة اربع أربع أيام وصحت نفس حالتها ما اتغير عليها اشي بعد الغيبوبة التانية صارو يمشوها ع سوائل وريدية بس وبعد فترة اتحسن نفسها وشالو الجهاز عنها ونقولنا عالغرفة واخدو دم منها ليعملولها الفحوصات الروتينية وهالمرة انتبهت الدكتورة إنو نسبة الامونيا بالدم عندها ٢٠٠٠ بالاول فكرو إنو فيه غلط بالفحص عادوه وطلع نفس الشي وهون عرفت انو مرضها استقلابي وإنو كل التهاب الدماغ اللي ما اتغير بالصور وضل زي ما هو لا زاد ولا قل إنها أمونيا متراكمة بس بعد شو بعد ما عجبت عالبنت بالمضادات وفقدت أغلب حواسها مع إنو أول ما دخلنا كانت الامونيا عندها ٤٦٠ نسبة عالية ومع هيك ما اهتمتلها ولما فاتت أول مرة بغيبوبة كانت نسبتها ٩٠٠ وكمان طنشتها مع إنو الحد الطبيعي للامونيا بالدم ٥٠ وتحت بس استهتار الدكتورة وعدم معالجة الامونيا من أول ما دخلنا وصلت بنتي لهالحالة ولما عرفت بمرضها اعطتها أدوية لتخفيف الامونيا وبلشت تمشي عنظام غذائي معين (حمية خالي من البروتين وبعد ما نزلت الامونيا حكتلنا إنها مهمتها انتهت وانو نروح نراجع فيها بمستشفى ثاني لانو ما فيه قسم لمرضى الاستقلاب  وبالفعل عملنا خروج ورحنا ع مستشفى ثاني وكنا متأملين انو يقدرو يعالجو البنت وترجع تشوف وتحكي وتمشي زي أول بس ما فادونا بإشي غير إنهم بس صرفولنا ادوية لتقليل الامونيا وادوية التشنجات اللي بلشت توخدهم بعد ما صحت من الغيبوبة لانو بين بتخطيط الدماغ إنو تدفق الدم بالدماغ قليل بسبب تلف اغلب الخلايا فيه بس البنت ما تحسنت وبكائها ليل نهار والادوية اللي بتوخدها ما بتهديها ولا بتنفعها شو العمل والله صبرنا وتعبنا بما فيه الكفاية واللي عشناه جبال ما بتتحملو بكفي شوفة بنتنا بتدبل قدامنا ومو قادرين نعمللها اشي يا ريت تساعدونا لتتعالج لانو ما تركنا دكتور بالمشافي الحكومية وما رحنا عليه وما حدا فادنا لهيك ضلينا بمستشفى هذه وما نقلناها ع مستشفى تاني يمكن تحكو ليش رضينا انو تعطيها كل هالمضادات والادوية بس عفوا احنا مو دكاترة وما درسنا طب والكل مدح بالدكتورة أول ما دخلناها المستشفى وإحنا اطمنا إنو مستحيل تعطيها اشي يضرها بس للاسف كنا غلطانين لما وثقنا فيها لإنو اللي متلها لا تواخذني بس ما عندهم ضمير لو من الاول حكت إنو ما عرفتلها وخدوها عدكتور تاني ما كان صار هيك مش غلط تعترف بهالشي أحسن من إنو تكابر عحالها وتجرب عالبنت كإنها حيوان او لعبة عندها لحتى عجبت عليها بس ما بحكي غير الله لا يسامحها وان شاء الله ربنا بوخد حقنا منها هلا عمرها سنتين ونص إلها سنة كاملة بمرضها ووضعها ما تحسن امانه ساعدوني ابنتي تعبت من الاطباء بتمنى تساعدونا وتفرحو قلوبنا ببنتنا وعند ربنا نيال من ساعد مظلوم
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • د.هداية نفسيه وتربية طفل
    د.هداية نفسيه وتربية طفل verified_userعزيزتي الأم نقدر خوفك وقلقك على إبنتك ، ولكن لا يمكن لنا التعرف على نوعية المرض الذي تعاني منه الطفلة من خلال السرد فقط، خصوصا وأنها تنتكس في حال غيرت الدواء ولكن ما يمكن لنا تقديمه كنصيحة هي أن لا تعتمدي فقط على تشخيص الأطباء المحليين فلو كانت هناك إمكانية للسفر إلى اسبانيا أو فرنسا فقومي بالتوجه إليها وخدي معك جميع التحاليل والأشعة اللازمة فلا يجب أن تبقي حبيسة تجارب الأدوية التي يطبقونها على طفلتك وخديها عند أطباء أكفّاء من أجل ضمان علاج الطفلة ، ونتمنى لها الشفاء العاجل بإذن الله .
  • صورة علم
    صورة علم
    مجهول

    يا ابنتي لا يجب ان تفقدي الام ابدا فعليكي ان تعرفي ان الامر بيد الله وحده فهناك الكثير من الحالات النادره التي يتم علاجها بطرق غير متقعه فيجب ان تكوني اكثر حكمه ولا تتوقفي عن البحث عن الحل حتى تجديه يا ابنتي فلا تتوقفي وتاخذي العلاج الذي يعطوه لكي وتتركي الامر مالم يحدث تحسن فلا توقفب المحاوله ابدا 

  • صورة علم
    صورة علم
    مجهول

    عليكي ان تؤمني بالله وان لا تياسي من رحمته  فالله هو من سيشفيها باذنه فيجب ان تستمري بالبحث عن علاج وتفعلي ما عليكي فاستمري برؤيه اطباء لعل الله يجعل احدهم سببا لشفاء ابنتك والانتهاء من هذا الامر فلا تقلقي ابدا 

  • صورة علم
    صورة علم
    مجهول

    انتي في حاجه الى ان تكوني قويه وان لا تستسلمي ابدا مهما كان الوضع فالثبات والقوه هو المطلوب منكي في هذه الفتره انتي وزوجك فتماسكوا من اجل الطفله ولا تستسلموا ابدا فالله وحده من سمكن ان يشفيها وليس طبيب فكل شيى بامر الله 

  • صورة علم
    صورة علم
    مجهول

    يا ابنتي يجب ان تكوني قويه فلا يوجد اي مشاحه للضعف الان فعليكي ان تكوني قويه وان تنتهي من هذا الامر فعليكي ان تبحثي عن علاج مناسب فلا تتوقفي عند العلاج الذي لا يشفى احد الذي اعطوه لها فيجب ان تبحثي عند اطباء اخرين حتى تجدي الحل 

  • صورة علم
    صورة علم
    مجهول

    لا تستسلمي يا ابنتي فالله وحده من سيشفيها فيجب ان تستمري بالمحاوله لكن مع وجود طبيب موثوق به الى جانبكم فلا يجب ان تسيروا وحدكم دون معرفه فيجب ان تجدوا الطبيب الامين الشريف الذي يساعدكم فلا تستسلمي وتستمري على هذا الحال

  • صورة علم
    صورة علم
    مجهول

    يا ابنتي يجب عليكي ان تسافري بها ان كان باستطاعتك ان تفعلي فلا يجب ان تستمري بهءا الشكل فهناك علاج في المستشفيات مكلف لكنهم سيجدوا الحل بفضل الله لكن لا تتركيها وتستسلمي بهذا الشكل فيجب ان تكوني قويه حتى تتمكني من ايجاد العلاج لها 

  • صورة علم
    صورة علم
    مجهول

    هذه رسالة لكل من قلبه ذرة خوف من الله أن يراعي الله في كل ما تعلمه ,,,, ومن المعروف بالنسبة للمضادات أنها خطيرة على الاطفال حتى لو كان لها فوائد .. واعلمي يا أختي أن الله قدر لكم ذلك و عليكم أن تصبروا و تحتسبوا أمركم لله هو من بيده أن يكتب لها الشفاء و يكتب لكم الصبر و الأجر 

  • صورة علم
    صورة علم
    مجهول

    قبل كل شيء يا اختي اعلمي أن الشفاء بيد الله تعالى و ليس بيد البشر حتى لو كان أمهر الاطباء في العالم و الاطباء بشر يصيبوا و يخطئوا واذا كانت حالتك ابنتك مستجدة فمن الطبيعي أن تقوم الطبيبة بالتدربة أكثر من مرة حسب ما تعلمته و درسته وكل شيء بأمر الله ,, إلا اذا كان الخطأ بالطبع متعمد أو فيه استهتار و عدم مبالاة 

صورة علم United States
أضف إجابتك على السؤال هنا