أتمنى أرجع كما كنت من المتفوقات الأوائل

مدارس وجامعات
animate

السلام عليكم....انا بنت داخلة على 3ث انا كنت دايما من المتفوقات والاوائل على المدرسة من ابتدائى لغاية اعدادى بس اول م دخلت ثانوى انا مش عارفة ايه اللى حصل معايا....انا لما دخلت ثانوى كنت ديما اسمع من اللى حواليا ان 1،2 ث مش لازم اهتم بيهم واجيب اى مجموع واهم حاجة 3ث والكلام المعتاد ده....حاولت انى م اتأثرش بالكلام ده وافضل على مستوايا بس للاسف اتأثرت بيه بشكل سلبى وبقيت بغيب كتييير من المدرسة وبعد م كنت فى اعدادى المدرسين كلهم عارفينى حصل العكس فى ثانوى بقيت من البنات المهملات اللى فى الفصل حتى اصحابى بعدو عنى وبقيو يستهزأوا بيا ومبقيوش حتى يسلموا عليا وده مأثر فى نفسيتى جداااا وبقيت انقص بال15 و20 درجة وللاسف اتعودت على كده ومعرفتش اتغير حتى فى 2ث ودلوقتى انا داخلة على 3ث وخايفة احسن اكون اتعودت على عدم الجد فى المذاكرة بس فى نفس الوقت انا عندى حلم وعاوزة اوصله وحاسة من جوايا انى مستعدة اذاكر كتييير عشان اجيب مجموع عالى وابقى دكتورة وافرح اهلى بس خايفة لإنى م اتعودتش على كده من اولى وتانية وكمان انا بطييييييئة جدااااا فى كل حاجة مش بس المذاكرة يعنى انا باخد فى اصغر درس 3ساعات على الاقل واول م اخلص بقفل الكتاب وحتى مش بحل التدريبات على الدرس ف انا خايفة احسن افضل كده فى تالتة وده مش هينفع لتحقيق حلمى اللى بسعاله من زمان ف انا خايفة جداااا وعاوزة النصيحة من فضلكم وياريت تدعولى انى اجيب مجموع عالى وافرح اهلى....وشكرا

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده اهلا بك يا ابنتي واعلمي ان كل دعاء الدنيا لن يفيدك الا ان بذلت معه جهد والقول الكريم اعقل وتوكل، نحن بالطبع نتمنى لك النجاح ولكن سننصحك نصيحة جيدة وليس كما فعلت صديقات حيث تعودت الكسل والاهمال واصبحت بطيئة وفقدت الحماس وهذه اغبى صنيحة قد يعطيها شخص لاخر فكيف تتوقعين ان يكون الجهد في 3 ث وانت لم تبذلي اي جهد في سنتين مضت، ولهذا يجب ان تبدأي من الاجازة الصيفية للتحضير وكانك تبداي المدرسة قبل شهرين من موعد الدوام او اكثر ويمكنك المباشرة بعد العيد مباشرة لأنك بطيئة وتحتاج لوقت لتقوية ذاكرتك وانعاش نفسك لترجعي قادرة على الاستيعاب ولتكوني قد سبقت صفك على الاقل ببعض الوقت لأنك كما قلت تحتاجين وقت اطول، واريد ان تحذفي كلمة خايفة وبخاف لانها ستفقدك الامل، ويجب ان تكوني ايجابية ومستعدة وبكل طاقة وتعلمي ان هذه السنة تقرير مصير، يعني لا حب ولا غرام ولا سهرات ولا مسلسلات ولا وقت على الفيس بوك بل نريد الموازنة والضغط باتجاه الدراسة والراحة والصحة والرياضة والنشاط اكثر. واريدك ان تقرأي موضوع منحنى النسيان لتعرفي كيف يتذكر العقل المعلومات ويركزها في ذاكرته اثناء التعلّم، وهو يوضح لك ان المعلومة يتم فقدانها من الذاكرة بسرعة كبيرة الا ان هناك بعض الأمور التي تعمل على حفظ المعلومة واهمها التكرار ويضاف إلى ذلك عامل الأهمية، أي حسب أهمية الموضوع بالنسبة لك. ومع التكرار وزيادة الاهتمام بالموضوع والتركيز الواعي والتفاعل والمشاركة والتطبيق والممارسة والحاجة إلى التعلّم تنتقل المعلومة إلى الذاكرة طويلة المدى long term memory والتي تعمل على تخزين الموضوع في ذهنك على شكل ملفات مرتبة ومنسقة، فهذه الخطوة هي فقط لتنسيق خطة العمل، ولشحذ الارادة. وان شعرت انك مستعدة لهه الأمور ارسلي لي رسالة وسنتابع سوية خطوة بخطوة لتتفوقي وربي يوفقك وبانتظارك
  • صورة علم Egypt
    صورة علم Egypt
    من مجهول
    بنت زميلتنا في الدفعة عملت كده وف اولي وتانية ثانوي كانت خارج الترتيب تماما وكانش في دماغها خالص جت في تالتة ثانوي لاقيناها الاولي ع المدرسة وغفلتنا كلنا ..فانت تقدري توصلي للي عايزاه بس ركزي علي هدفك وادعي كتير في صلاتك واصحي قبل الفجر صلي تهجد وادعي وخليها عندك كده عادة يومية وذاكري علي اد ما تقدري ومتعمليش جدول مذاكرة لامه فكرة فاشلة… خلي عندك كشكول او كراسة اكتبي فيهم الحاجات اللي عايزة تعمليها عشان تبقي عارفة ايه اللي وراكي وكل ما تنفزي حاجة اشطبيها ..وفي اول السنة متشديش علي نفسك جامد خدي الامور براحة شوية بس مش تكسلي لا ذاكري بما يرضي الله وفي نص السنة خدي اسبوع راحة وبعدها هتلاقيكي متحمسة جدا الفترة الاخيرة والحماس مش هيخليكي تحسي بالتعب وعادي لو لاقيتي نفسك بتاخدي وقت كبير علشان تذاكري درس دا طبيعي لان اكيد الدروس دي مش زي بتاع الاعدادي دي حاجات كبيرة شوية فعادي ..المهم انك متستسلميش ومتيأسيش ومتمشيش مع عيال محبطة ومتسمعيش ليهم ابدا ..ربنا يوفقك يا حبيبتي وتحققي اللي عايزاه
  • animate

  • صورة علم State of Palestine
    صورة علم State of Palestine
    من مجهول
    مو شرط تدخلي طب وترهقي حالك كثير عشان تفرحي أهلك, أدخلي أي تخصص بتحبيه وأهلك رح يكونو فرحانين فيكي, والله يوفقك لما يحبه ويرضاه.
  • صورة علم
    صورة علم
    من مجهول

    هذا أمر طبيعي نمر به جميعا في هذا التوقيت.. ولكن عليكي ألا تستسلمي لهذا الشيء وابذلي أقصى ما عندك لتسيطري على هذا التفكير الذي يرجع بك إلى الخلف.

  • صورة علم
    صورة علم
    من مجهول

     أنتي تقولين أن مستقبلك هو كل حياتك وما تطموحي له إذا انتي في أمس الحاجة لترك التوتر نهائيا وفكري في الجزء الايجابي وهو أنكي عندما تذاكرين دروسك وتجتهدين ستصبحين ذو شأن وقيمة عالية في المستقبل.

  • صورة علم
    صورة علم
    من مجهول

    يا بنتي يجب ان تجتهدي على قدر استطاعتك ولا تكلفي نفسك ازيد مما تستطعين وتأكدي ان العلامات ليست كل شئ اهم شئ الفهم وفقك الله لما يحبه ويرضاه 

  • صورة علم
    صورة علم
    من مجهول

    يا بنتي يجب أن تنظمي وقتك وتحددي وقت خاص بالدراسة ، فلا يوجد نجاح بدون دراسة مهما حدث يا أختي الكريمة ، عليك أن تفهمي تلك النقطة ، ثاني شيء أنت في مرحلةصعبة تحتاج الى كثير من المجهود ولهذا لا تفكري في امور فرعية مثل مشكلته مع ابيك او ذلك الشخص الذي تحبيه .. فقط فكري في دراستك

  • صورة علم
    صورة علم
    من مجهول

    لا يوجد تفوق بدون دراسة ، وهذا امر طبيعي ، المشكلة لديك الآن أنك مشوشة كثيراً ليس أكثر وهذا ما يصنع كل هذا الزحام في رأسك ويجب أن تصفي ذهنك الآن

  • صورة علم
    صورة علم
    من مجهول

    يا بنتي ان  القلق النفسي هو الذي يحرك الإنسان من أجل أن يكون فعالاً ومثابرًا ومنتجًا, هذا ينطبق على الدراسة, وينطبق على العمل، وعلى كل شيء في الحياة.

  • صورة علم
    صورة علم
    من مجهول

     ابتعدى عن اى مصادر تزعجكك او تبعدك عن تركيزك مثل التلفاز او الجوال او حديث من حولك لان كل هذى وسائل تقلل من التركيز وتشغل العقل واطمئنى ان امامك شهرين وتستطيعى فى هذا الوقت ان ترفعى من علاماتك فى المواد ولكن كونى واثقه من نفسك

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟