عصبيتي الزائدة السبب في خراب بيتي

مرحبا مخنوقة وحاسة حالي بضيع وبضيع ولادي معي ب عصبيتي الزايدة وصراخي المش طبيعي ع أتفه الأمور مشكلتي إنو عشت ب جو أسري كلو صراخ وضرب وما في أي تفاهم ولا محبة كانت حياتنا كلها نكد كنت احكي جواتي وانا صغيرة إنو ما راح اخلي ولادي يعيشو بجو متل إلي انا عشتو بس للأسف طلعت بعاملهم أسوأ بكتيير من معاملة أهلي إلي ما بدي ولادي يكبرو ويتربو بالطريقة إلي أنا تربيت فيها بس حاسة الاشي خارج عن سيطرتي والاشي بلش ينعكس ع ولادي بنتي الكبيرة عمرها ٨ سنين حاسستها صارت عدوانية معي ومع اخوتها الأصغر منها وتعاملها معهم كلو صياح وضرب بعرف اني أنا إلي وصلتها ل هاي المرحلة بس مش عارفة ايش أعمل تعبت كتيير ونفسي أتغير بس مش زابطة معي والأسوأ من هيك جوزي طول نهارو بالشغل لاخر الليل ولما يروح بقعد عالتلفزيون ومش مستعد يساعدني حتى لو معنوي بس بعمرو ما فكر ياخدنا مشوار او يطلعنا لفة بالسيارة بحكيلي خدي الاولاد وروحي لحالك حتى لو طلعنا المشوار كلو بكون نكد وصراخ لحتى وصلت لمرحلة بطلت احب اخدهم ولا مشوار مشان الله نفسي اعيش حياة هادية وبس ما بدي اكتر من هيك شوووو الحل؟؟؟؟؟